Ndonëse Nejmar, shihet nga shumëkush si trashëgimtari i fronit të Leo Mesit te Barcelona, për legjendën e futbollit, brazilianin Pele, ata nuk mund të krahasohen. Edhe pse Nejmar ishte kandidat për "Topin e Artë", Pele është i bindur që ai nuk është në nivelin e Mesit ose të CR7.
"E kam njohur që të vogël Nejmarin dhe shumë vite më parë, trajneri i tij më tha se ishte i mirë. Por nëse do të më duhej të thosha se kush është lojtari më i mirë sot, edhe pse Ronaldo ka një stil loje të ndryshëm dhe unik, ai vend për mua i përket Mesit". u shpreh Pele. Sipas tij, roli i Nejmar te klubi katalanas është shumë i rëndësishëm, por braziliani është shumë larg nivelit të shokut të tij të skuadrës dhe CR7.
