Rei Manaj mund të konsiderohet një futbollist i Peskarës. Sulmuesi kuqezi ka kryer sot paradite vizitat mjekësore dhe është gati për sezonin e ardhshëm.
Rei Manaj duke bere vizitat mjekesore te Peskara
Në një njoftim të publikuar nga "Pescara Calcio" në rrjetin social "Twitter", thuhet se Manaj ka kryer vizitat mjekësore në qendrën 'Montesilvano'. Njoftimi i shkurtër shoqërohet edhe me një foto të sulmuesit të Interit.
Ndërsa gazeta më e madhe sportive në itali "La Gazzetta dello Sport", shkruan se Manaj është huazuar nga Interi drejt klubit të Peskarës, që sezonin e ardhshëm do të luajë në Serinë A.
Më herët, ishte folur për huazimin e tij nga Interi drejt Peskarës, por sot sulmuesi dhe klubi kanë bërë një tjetër hap përpara.
