“Kristiano Ronaldo duhet të rritet, në qoftë se tifozët i thonë në kor emrin e Lionel Mesit, për ta acaruar. Kjo nuk duhet ta mërzisë atë,” – thotë Johan Krujf. 65-vjeçari holandez thotë se ylli portugez nuk duhet t’u kushtojë vëmendje tifozëve kundërshtare, edhe nëse ata thonë emrin e maestros argjentinas. Legjenda e Barcelonës ka thënë se Kristiano Ronaldo ka nevojë që të “rritet”, në qoftë se është i prekur nga tifozët kundërshtarë, që i brohorasin emrin e Lionel Mesit. Mbështetësit e Danimarkës thirrnin emrin e yllit të Barcelonës në çdo moment kur Ronaldo prekte topin gjatë fitores 3-2 të Portugalisë kundër skandinavëve në “Euro 2012”, javën e kaluar.
Kjo ka qenë një strategji e përsëritur, e përdorur nga tifozët kundërshtarë kohët e fundit, së cilës Ronaldo nuk mund t’i rezistojë, pasi merr një goditje të fortë psikologjike kur i përmendet emri i argjentinasit. Megjithatë, Krujf ka deklaruar tashmë se 27-vjeçari duhet të mbetet indiferent ndaj asaj që vjen nga stadiumi prej tifozëve. “Për Ronaldon prekja në sedër duhet të jetë e njëjtë, si kur tifozët flasim për nënën e tij, ashtu edhe për Mesis, – u tha holandezi gazetarëve. – Në qoftë se preket nga kjo, ai duhet të rritet.”
Kjo ka qenë një strategji e përsëritur, e përdorur nga tifozët kundërshtarë kohët e fundit, së cilës Ronaldo nuk mund t’i rezistojë, pasi merr një goditje të fortë psikologjike kur i përmendet emri i argjentinasit. Megjithatë, Krujf ka deklaruar tashmë se 27-vjeçari duhet të mbetet indiferent ndaj asaj që vjen nga stadiumi prej tifozëve. “Për Ronaldon prekja në sedër duhet të jetë e njëjtë, si kur tifozët flasim për nënën e tij, ashtu edhe për Mesis, – u tha holandezi gazetarëve. – Në qoftë se preket nga kjo, ai duhet të rritet.”
