Kjo përbën interes për regjisori indian Payal Mohanka me filmin "Saint to Sainthood" (Indi, 2003), për regjisorin italian Fabrizio Costa me filmin "Nënë Tereza" ("Mother Teresa" Itali, 2004), ku figurën e Nënë Terezës e interpreton aktorja Olivia Hussey, fituesja e çmimit "Golden Globe". Një dokumentar 30 min. është përgatitur nga Peshkopata Katolike në Indi, me titullin "A call ëithin a call", ku përshkruhet udhërimi shpirtëror i Nënë Terezës murgeshë e Kuvendit të Loretos deri sa arrin të bëhet misionare e bamirësisë në Kalkuta.
Premiera botërore e vitit 2010 "Misionaret e bamirësisë" e regjisores franceze Delphine Prunault flet për një vend të rëndësishëm të Nënë Terezës 13 vjet pasi ajo nuk është më, për organizatën "Misionaret e Bamirësisë" që ajo themeloi në Kalkutë. Amerikani Kevin Connor, në filmin "In the name of God's Poor" (1997) vë aktoren Geraldine Chaplin të rrëfejë jetën e bamirëses në Indi. Aty tregohet se fillimisht Nënë Tereza nuk pritet ashtu siç duhet nga indianët, edhe pse ishte i pari person që kujdeset për të plagosurit e Kalkutës së vitit 1946, i strehon në kuvendin e saj dhe kujdeset për dhimbjet e tyre fizike e shpirtërore.
"Mother Tereza" e Ann&Jeanette Petrie flet për një ngjarje me rëndësi në jetën e humanistes së shekullit të 20-të, marrjen e çmimit "Nobel" më 1979. Dy filmat e animuar që shfaqen gjatë ditëve të festivalit janë: "Duke parë fytyrën e Jezusit" (2009)) prodhim i "Morningh Light Media" dhe "Fjala e pestë" (Spanjë 2003) i regjisorit Pablo Marcet. Festivalin e nderojnë përfaqësues të lartë të klerit katolik.