Pas suksesit që Lacio arriti një natë më parë duke fituar 2-0 ndaj Interit nw kampionat, mediat italiane kanë ngritur pikëpyetje për trajnerët që ndoqën nga afër këtë sfidë.
Komisari teknik i Kombëtares shqiptare të Futbollit, Xhani De Biazi, ish-trajneri i Milanit, serbi Sinisha Mihajloviç dhe Filipo Inzaghi ishin prezent në 'Olimpiko'.
Mihajloviç në stadium bashkë me fëmijët
Sipas "Sportmediaset", prezenca e trajnerëve në stadium nuk duket e rastësishme edhe për faktin se drejtori sportiv i Lacios, Igli Tare, para ndeshjes me zikaltrit i la të hapura mundësitë që stoli i ekipit të ndryshojë në verë.
Emrat e lartpërmendur janë përfolur së fundmi nga shtypi italian për që qenë trajnerë të mundshëm të Lacios. Ndërsa De Biazi duket më afër Italisë se Lacios.
Për trajnerin e kuqezinjve thuhet se ka marrëdhënie të mira me Taren dhe me kreun e Federatës italiane, Tavekion, ndërsa një gjë e tillë nuk mund të thuhet për Mihajloviçin. Por ky i fundit duket se preferohet nga presidenti i klubit dhe prej kohësh shishet si një mundësi për të drejtuar ekipin kryeqytetas.