Rama si “artist” harron dhe fsheh emrin e kompozitorit: Kujtim Laro.
Rama si “artist” harron dhe fsheh emrin e kompozitorit: Kujtim Laro.
28 Mars 2022
Rama: Me këngën e Trimave, Shqipëria i bashkohet koncertit për ndihma në Ukrainë, po nuk permend emrin e kompozitorit Kujtim Laro
Me këngën e Trimave nga filmi “Udha e shkronjave”, Shqipëria i bashkohet koncertit maratonë, për mbledhjen e fondeve për ndihma humanitare në Ukrainë.
Kryeministri Edi Rama publikoi videon e këngës përfaqësuese të Shqipërisë.
“Me këngën e Trimave nga filmi “Udha e shkronjave”, Shqipëria i bashkohet koncertit maratonë, transmetuar në 20 vende të Evropës, si një mundësi për mbledhjen e fondeve për ndihma humanitare në Ukrainë”, tha Rama.
Rama nuk permend kompozitorin Kujtim Laro.
Video u realizuar me mesazhin sensibilizues StopWarInUkraine dhe kënga u këndua nga këngëtari Bojken Lako.
Maratona e solidaritetit u ndoq drejtpërdrejt në sheshin “Skënderbej” në kryeqytet, në prani të ambasadorit të Ukrainës në vendin tonë, Volodymyr Shkurov, si dhe ambasadorëve të vendeve të tjera të solidarizuara me Ukrainën, dhe përfaqësueseve të shoqërisë civile.
Qëllimi i maratonës është të konsolidojë më shumë akoma komunitetin ndërkombëtar në rezistencën e tij ndaj luftës së zhvilluar nga Rusia kundër Ukrainës.
Frymëzuesit ideologjikë të projektit janë Atlas Festival dhe Kyivstar.