“Rama i kapur në flagrancë”, Gazment Bardhi publikon videon dhe hedh akuzat e rënda: Ai i ka gënjyer dhe braktisur qytetarët!
“Rama i kapur në flagrancë”, Gazment Bardhi publikon videon dhe hedh akuzat e rënda: Ai i ka gënjyer dhe braktisur qytetarët!
4 Prill 2020
Sekretari i përgjithshëm i PD-së, Gazment Bardhi shkruan në rrjetet sociale se kreu i qeverisë është kapur në flagrancë duke gënjyer.
Bardhi thekson se i ka gënjyer dhe braktisur qytetarët, sa i takon deklaratës se “nuk do të vijë fundi i muajit pa pagën e gjithkujt ndër ju që qëndron në shtëpi si pasojë e mbylljes së biznesit ku punon!”.
Postimi i plotë:
Më 17 mars Edi Rama u premtoi shqiptarëve se “NUK DO TË VIJË FUNDI I MUAJIT PA PAGËN E GJITHKUJT NDËR JU QË QËNDRON NË SHTËPI SI PASOJË E MBYLLJES SË BIZNESIT KU PUNON!”.
E vërteta është se Edi Rama i ka gënjyer dhe braktisur qytetarët. Ai kapet çdo ditë në flagrancë duke gënjyer shqiptarët.
- Premtoi se gjithkush do të kenë pagesën në fund të muajit mars për bizneset e mbyllura, por marsi kaloi dhe ai nuk dha asnjë qindarkë.
- Premtoi se askush nuk do të mbetet pa ndihmë financiare, por la jashtë paketes së ndihmës mijëra biznese dhe qindra mijë kryefamiljarë dhe qytetarë në nevojë.
Gazeta Sot