Bullgari: – Ikonat e Nënës së Zotit në Arbanas dhe Nesebër ndihmojnë gratë të kenë fëmijë
Bullgari: – Ikonat e Nënës së Zotit në Arbanas dhe Nesebër ndihmojnë gratë të kenë fëmijë
Gusht 2021
Në prag dhe në ditën e Fjetjes së Virgjëreshës Mëri15 gusht, ditë kjo e cila është edhe festë e qytetit Nesebër, banorët dhe miqtë e qytetit i drejtojnë lutjet e tyre të zjarrta Nënës së Zotit me shpresë se do të kenë mëshirë për vuajtjet e tyre. Me një procesion liturgjik ata çojnë Ikonën Çudibërëse “Nëna e Shenjtë e Zotit – zonja e Jetës” e cila daton që nga shekulli i XIII. Kjo ikonë njihet edhe si Hyjlindësja e Zezë për shkak të ngjyrave të errëta me të cilat është e pikturuar. Sipas legjendave kishtare forca e saj çudibërëse ka shpëtuar shumë herë gjatë shekujve qytetin dhe për këtë arsye banorët e pranojnë si mbrojtëse e tyre. Kjo ikonë e Shën Mërisë u krijua në stilin bizantin dhe konsiderohet se ajo u soll nga Atoni. Besohet se shëron shumë sëmundje, por mbi të gjitha i ndihmon gratë të kenë foshnja dhe qetëson shqetësimet.
15 gusht është festë e fshatit Arbanasi, rajoni i qytetit Veliko Tërnovo. Aty në manastirin “Fjetja e Hyjlindëses” ruhet ikona çudibërëse “Hyjlindësja me tre duar” me një aureolë argjendi. Edhe kjo ikonë i ndihmon gratë të bëhen nëna. Manastiri ku ruhet kjo ikonë e shenjtë u ndërtua që në kohën e dinastisë Asenevci, e cila sundoi në kohën e Mbretërisë së Dytë Bullgare në periudhën e viteve 1187 – 1280. Besohet se gratë që duan të bëhen nënë, pas një lutjeje të zjarrtë, vendosin një monedhë në ikonën dhe nëse ngjitet mbi të – Nëna e Zotit i ka dëgjuar ato.