Shperthimi i Bubullimes zbulon rezerva te reja nafte

Shperthimi i 'Bubullimes' zbulon rezerva te reja nafte
Kompania “Albpetrol” sh.a, ne bashkepunim me kompanine e huaj “Banker’s petroleum”, ka arritur te realizoje mbylljen e pusit “Bubullima 14”, qe disa jave me pare i mori jeten kryeinxhinierit te repartit te Avaro-Shpetuesve dhe rrezikoi jeten e disa specialisteve te tjere. Nga studimi qe u be per riparimin e kesaj avarie u zbulua se ne zone ka ende rezerva te naftes qe mund te shfrytezohen me ane te teknologjive te perparuara.

Zbulimi

Ferdinand Murati, drejtori i pergjithshem i kompanise shteterore te nxjerrjes se naftes, shpjegon se zona e Kallmit i eshte nenshtruar se fundmi nje studimi te veçante. Kjo erdhi si rezultat i avarise qe ndodhi te “Bubullima 14” dhe tashme po shihet mundesia e shfrytezimit te nentokes se kesaj zone me metodat e fundit. Sipas Ferdinand Muratit, i cili bazohet tek rezultati i studimeve te kryera, konfirmohet se Kallmi do te jete objekt i shfrytezimit horizontal per nxjerrjen e “thesarit” te nentokes. Deri tani, metoda e perdorur nga industria vendase ishte ajo e shpimit vertikal. Shfrytezimin e shtresave me metoden horizontale e kane futur per here te pare kompanite e huaja, edhe pse konsiderohet prej specialisteve vendas si nje metode shkaterruese per industrine e naftes. Por ne kushtet kur shume prej puseve te zones nuk punojne dhe “Albpetrol” po shton perpjekjet per te rritur vleren ne treg ne prag te privatizimit, metoda e shfrytezimit horizontal po shihet me prioritet.

Mbyllja e pusit

Pusi “Bubullima 14” ndodhet ne fshatin Kallm, rreth 10 kilometra larg qytetit te Fierit dhe qe nga viti 1974 ka hyre ne fondin e puseve te ndalur. Ne fillim te muajit maj, ky pus nisi te çliroje ne natyre gaz dhe mbetje te tjera nentokesore. Kjo vazhdoi per disa dite, çka beri qe banoret e zones te shqetesoheshin. Ankesa shkoi fillimisht ne komune dhe kjo e fundit e percolli prane kompanise. Sektori perkates per defekte te tilla Avaro-Shpetuese nderhyri menjehere, por aksioni i specialisteve te ketij sektori rezultoi i deshtuar, pasi ne nderhyrje e siper kryeinxhinieri humbi jeten si pasoje e asfiksise nga gazi. Pas kesaj ngjarjeje te rende ka qene mjaft e veshtire nderhyrja. Drejtori i kompanise, Ferdinand Murati shprehet per “Shqip” se çlirimi i gazit ne natyre nga “Bubullima 14” duhet pranuar se nuk ndodhi vetem si pasoje e ndryshimit te natyrshem te shtresave, por edhe si pasoje e nderhyrjeve te specialisteve te huaj te “Banker’s”.

“Pas ngjarjes se rende nisem studimin e pusit. Bashkepunuam me kompanine e huaj ‘Banker’s’ dhe arritem qe ne uzinen mekanike te mund te prodhonim materiale speciale qe nevojiteshin per mbylljen e ketij vendburimi. Pas afro dy javesh nderhyrje arritem qe te premten te benim mbylljen perfundimtare e pusit. Tashme nuk ka me çlirim gazi dhe mbetjesh te tjera ne natyre. Per kete duhen vleresuar si specialistet vendas edhe ata te huaj, por edhe uzina qe prodhoi pajisjet speciale”, u shpreh per “Shqip” Ferdinand Murati. Drejtori i kompanise shpjegon se gjate dy javeve u bene manovrime te ndryshme dhe u trajnuan specialiste vendas per raste te tilla avarie.

Artikujt e fundit


Reklama

Reklama