Letërnjoftimi është dokumenti bazë, i përhershëm që shërben për identifikimin e shtetasve shqiptarë.
Pasaporta është i vetmi dokument udhëtimi për të lëvizur jashtë territorit te Shqipërisë , që vërteton identitetin dhe shtetësinë shqiptare të mbajtësit të saj. Deri në Janar 2009, i vetmi dokument identifikimi, i cili lëshohej nga zyra e Shërbimit te Gjendjes Civile, ku është regjistruar shtetasi, ishte Certifikata e Lindjes me fotografi.
Në zbatim të projektit shumë të rëndësishëm për qeverinë shqiptare ”Prodhimi dhe shpërndarja e Dokumenteve te Identitetit për shtetasit shqiptare”, më 12 Janar 2009, filloi aplikimi i shtetasve shqiptarë për Letërnjoftim në zyrat e aplikimit të Tiranës dhe në vazhdim në gjithë Shqipërinë.
Procesi i aplikimit për pasaporta biometrike filloi më 25 Mars 2009.
Dokumentet e reja të identitetit (letërnjoftim dhe pasaportë biometrike) bazohen në teknologjinë me gdhendje lazer të personalizimit të faqes së të dhënave (Datapage) prej Polikarbonati (Polycarbonate).
Në dokumentat e reja të identitetit përfshihen një kombinim elementesh të ndryshëm sigurie si: Watermark-u, Shiriti i Sigurisë, teknologjia OVI dhe UV etj.
Elementët e sigurisë dhe dizenjo e pasaportave tё reja shqiptare (tё zakonshme, tё shërbimit dhe diplomatike), janë nё përputhje me standardet dhe rekomandimet e ICAO.
