Xhamia e Tabakeve Vlore

Zbulohen muret e xhamisë së vjetër të Tabakëve në Vlorë. –

Gjatë punimeve për rehabilitimin e Qendrës Historike të Vlorës janë zbuluar edhe muret e xhamisë së vjetër në këtë qytet, të ndërtuara në shekullin e XVII-të.  Specialistët mendojnë se bëhet fjalë për xhaminë e Tabakëve, që është prishur në vitet ’60

Gjatë punimeve për rehabilitimin e Qendrës Historike në Vlorë janë zbuluar në muret e xhamisë së vjetër. Kjo vepër është ndërtuar në shekullin e 17-të. Punonjësit e Drejtorisë Rajonale Kombëtare të Kulturës janë duke punuar për pastrimin e themeleve të xhamisë së vjetër, e cila sipas të dhënave historike quhet Xhamia e Tabakëve.

Xhamia e Tabakeve Vlore

Kreu i DRKK-së në Vlorë, Orges Feimi, konfirmon se pas konstatimit të themeleve të xhamisë së vjetër, gjasat janë që këto mure t’i përkasin xhamisë së tabakëve.

Për këtë është duke u kryer edhe një studim nga specialistët e Institutit të Monumenteve të Kulturës. Ndërsa, aktualisht po pritet fjala e specialistëve për të përcaktuar se çfarë do të bëhet me vendin ku janë ndërprerë punimet për shkak të gjetjes së mureve të vjetër të xhamisë.

Xhamia e Tabakeve Vlore

Informacioni historik që ekzistojnë për vendndodhjen e xhamisë së Tabakëve, është e ky objekt kulti është prishur në vitin 1962. Quhet Xhamia e Tabakëve, se pas saj gjendet Pazari i Vjetër dhe dyqanet e lëkurëpunuesve të Vlorës. Në shekullin XVII është përmendur nga kronikiani i njohur turk Elvia Celebi. Xhamia e Tabakëve gjendet edhe në materialet historike të viteve 1930 dhe 1950-’60. Është prishur në vitin 1962, për t’u ndërtuar në vend të saj, njësia tregtare me emrin vetëshërbimi. Guri i themelit është i njëjtë me gurin e themeleve të objekteve në Qendrën Historike të Vlorës.