“Skandal i dyfishtë”, Ardi Veliu nxori videon e nënës së 15-vjeçarit të dhunuar me armë në dorë, reagon Paloka dhe lëshon thirrjen urgjente
“Skandal i dyfishtë”, Ardi Veliu nxori videon e nënës së 15-vjeçarit të dhunuar me armë në dorë, reagon Paloka dhe lëshon thirrjen urgjente
29 MAJ 2020
Nënkryetari i Partisë Demokratike, Edi Paloka ka reaguar lidhur me videon e publikuar nga drejtori i Policisë Shtetit, Ardi Veliu gjatë raportimit në mbledhjen online të Komisionit të Sigurisë, ku tregoi disa pamje të Zaida Çobos, së ëmës së15-vjeçarit të dhunuar, e cila mbante një pistoletë në dorë.
Paloka në një shënim në ‘Facebook’ theksoi se ky veprim nga ana e Veliut ishte një skandal i dyfishtë, ndërsa shtoi se ai duhet të shkarkohet dhe të shkojë para drejtësisë.
Postimi i Palokës
SKANDAL i dyfishte!
Ardi Veliu duhet shkarkuar menjehere dhe duhet te dale perpara drejtesise!
Gjate mbledhjes se Komisionit te Sigurise , Drejtori i Pergjithshem i Policise Ardi Veliu, duke dashur te justifikoje dhunen e policise ndaj nje 15 vjecari, ka nxjerre nje video te nenes se djalit ku ajo duket me nje pistolete ne dore. “Ja nga cfare familje vjen djali”-ka thene Veliu duke dashur te justifikoje me kete “argument” dhunen.
Rezulton se nena e djalit 15 vjecar eshte aktore dhe pamjet qe ka paraqitur Ardi Veliu jane pjese te nje filmi artistik…!
Justifikimi i dhunes do te ishte i denueshem edhe sikur pamjet te ishin reale , po ja qe Drejtori i Pergjithshem i Policise jo vetem justifikon dhunen e policise ndaj nje te mituri po per kete edhe mashtron .
Keto metoda te Sigurimit te Shtetit , Veliu nuk i ka per here te pare, kujtoni deshmitarin e rreme Fredi Alizoti…!
Prandaj kemi kete polici se drejtohet nga qenie si ky e si Lleshi i Rames!
Gazeta Sot