Atentati dje, pjesë e luftës për kontrollin e Hipotekës së Durrësit?
Atentati dje, pjesë e luftës për kontrollin e Hipotekës së Durrësit?
2 nentor 2019
Sipas kanalit TCH pista kryesore ku është përqëndruar grupi hetimor për atentatin e djeshëm lidhet me luftën që po zhvillohet për kontrollin e Kadastrës së Durrësit dhe veçanërisht në konfliktin për pronat në Gjirin e Lalëzit.
Për këtë arsye, hetuesit mendojnë se shënjestra e atentatit ka qenë pikërisht Landi Muharremi dhe jo prokurori Ndoja, i cili gjithashtu ka mohuar se ka qenë shënjestra në këtë ngjarje.
Muharremi, i njohur ndryshe edhe si Aleksandër Laho u ndalua dy vite më parë si i përfshirë në rrahjen që iu bë biznesmenit libanez, Faad Mitri, në kryqëzimin e Rinasit, pikërisht për një konflikt prone në Gjirin e Lalëzit.
Ai është akuzuar edhe për dhunë ndaj një avokati.
Ndërkohë, lufta për Lalëzin është përqëndruar muajt e fundit brenda Kadastrës së Durrësit, ku ka patur edhe arrestime të shumta deri në nivelin drejtues.
o.j/dita