Ka ndërruar jetë sot në moshën 64-vjeçare gazetarja e njohur Rezarta Reci, pas një beteje të gjatë me një sëmundje të rëndë.
Rezarta Reci
1 Shkurt 2026
Ka ndërruar jetë sot në moshën 64-vjeçare gazetarja e njohur Rezarta Reci, pas një beteje të gjatë me një sëmundje të rëndë.
Lajmin e kanë bërë të ditur familjarët në një postim në rrjetet sociale.
“Rrezarta jonë u shua në paqe mes njerëzve të zemrës, dashurisë, respektit e përkushtimit të miqve, të afërmve e mjekëve që i qëndruan pranë në të gjithë sfidën e saj të viteve të fundit.
Përcjellja për në banesën e fundit do të bëhet nesër. Rruga “Bardhyl”, më datë 2 Shkurt 2026, ora 15:00 Tiranë.
Me respekt familja Reçi”, thuhet në postim.
Rezarta Reci
Rezarta Reci njihej gjerësisht si ideatorja dhe moderatorja e emisionit “Arratia e peshkut të kuq” në News24, një program që për vite me radhë u kthye në një hapësirë reflektimi, dialogu dhe rrëfimi të thellë njerëzor.
Rezarta Reci
Rezarta Reci
Përveç kontributit të saj si gazetare dhe moderatore, Reci ishte edhe autore e disa librave, ku përfshinte intervista, rrëfime personale dhe përjetime që pasqyronin eksperiencat e saj jetësore dhe profesionale.