Futbollisti maqedonas Stefan Ashkovski ka rrëfyer momentet dramatike që përjetoi në Iran pasi shpërtheu lufta. 34 vjecari deklaroi se mbeti pa ushqim dhe pa ujë për tre ditë, pasi u braktis nga klubi i tij. Ashkovski pranoi se ai shpëtoi falë Jasir Asanit, i cili i dërgoi një shofer për ta larguar nga Irani

Kalvari i Stefan Ashkovskit gjatë evakuimit nga Irani më në fund ka mbaruar, por situata nuk dihej si do të kishtë përfunduar nëse Jasir Asani nuk do të kishte dhënë ndihmën e tij. Futbollisti i kombëtares maqedonase  Ashkovski ka rrëfyer 3 ditët më të vështira të jetës së tij, pas shpërthimit të luftës në Iran. Ai deklaroi pwr mediat maqedonase se u braktis nga klubi i tij, Persepolis, ndërsa u shpreh se mbeti 3 ditë pa ngrënë.

“Kishte sulme kudo, madje edhe afër meje. Nuk kisha ngrënë dhe pirë për tre ditë. Kërkoja vetëm të largohesha nga vendi, pasi udhëheqësi i tyre u vra, asgjë nuk funksionoi, gjithçka u mbyll. Ishte shumë e vështirë, por gjithçka përfundoi mirë”.

Futbollisti falenderon ish shokun e tij të skuadrës, Jasir Asanin, pasi ai e ndihmoi për tu larguar nga Irani.

“Asani më shpëtoi. Pa të, nuk e di si do të përfundonte gjithçka. Udhëtova 15 orë nga Rafsajan në Teheran, pastaj nga kufiri me aeroplan në Stamboll. Jasiri më ndihmoi, ai kishte shoferin e tij dhe unë ia dola me të”.

Të dy futbollistët aktivizohen në kampionatin iranian. Ata tashmë janë larguar, pasi shpërtheu lufta dhe ndodhen me familjet e tyre. Makthi për ta ka mbuar