Eksplorimi i qyteteve evropiane të së kaluarës, në një lloj Street View të Europës së lashtë (deri në 5000 vjet më parë): së shpejti mund të bëhet e mundur, falë digjitalizimit të sasive të mëdha të të dhënave që gjenden në arkivat historikë të kontinentit dhe inteligjencës artificiale.

Në fakt, të njëjtat elementë që kanë rezultuar të suksesshëm në projektin Venice Time Machine, të lindur në 2012 nga bashkëpunimi midis Arkivit Shtetëror të Venecias, Politeknikut të Lozanës dhe Universitetit Ca ‘Foscari, po përgatiten të përballen me një projekt në shkallë evropiane.

Në vitin 2016 Frédéric Kaplan, kreu i Laboratorit të Kulturës Dixhitale në Politeknikun e Lozanës, ftoi të gjitha universitetet e kontinentit të bashkojnë forcat për të ndarë trashëgiminë e tyre kulturore.

165 institucione nga 32 vende i janë përgjigjur thirrjes, duke formuar një konsorcium që po pret miratimin e projektit nga Bashkimi Evropian. Hapi i ardhshëm do të jetë krijimi i një webfaqje online për të lundruar nëpër 2 milionë të dhënat që tashmë janë skanuar në Venecia, duke përfshirë dokumentet, librat dhe fotografitë.

Hulumtuesit shkencorë zhvilluan një teknologji për të digjitalizuar shpejt kilometra  faqe në arkiva: një skaner gjysmë i automatizuar për dorëshkrime të brishta, një krah robotik që kthen faqet e librave dhe një skaner me shpejtësi të lartë që mund të kapë një fotografi në katër sekonda.

Përveç kësaj, historianët dhe dijetarët kanë shkruar më shumë se 160,000 shënime në dokumente, për të lejuar një sistem njohje automatike të shkrimit që të mëson si të nxjerrësh informacione nga shënimet me dorë.