Meta kundër ndryshimit të Kushtetutës: Distancohuni nga aventurierët dhe Haxhi Qamilët
Meta kundër ndryshimit të Kushtetutës: Distancohuni nga aventurierët dhe Haxhi Qamilët
– 14/07/20
Kreu i shtetit Ilir Meta ka reaguar pas propozimit të opozitës parlamentare për të ndryshuar Kushtetutën në dy nene, ndalimin e koalicioneve parazgjedhore dhe hapjen e listave të kandidatëve.
Në një postim në rrjetet sociale nga Tedi Blushi, zëdhënës i Metës, thuhet se Kuvendi ka vetëm 82 deputetë të ligjshëm, ndaj është koha t’i jepet fund çdo marrëzie.
“182 deputetë dhe kandidatë për deputetë të partive opozitare refuzuan të ishin pjesë e Kuvendit. Edhe pse shteruan të gjitha listat e partive opozitare prej 18 muajsh, Kuvendi ka formalisht vetëm 122 deputetë nga 140 deputetë që është detyrimi kushtetues”.
“Të gjithë të distancohen nga aventurierët dhe Haxhi Qamilët!“, thuhet në deklaratë.
Postimi i zëdhënësit të Presidentit
Lidhur me lajmet e fundit për disa ndryshime kushtetuese, Presidenti i Republikës Sh.T.Z Ilir Meta thekson se Kuvendi aktual ka vetëm 82 deputetë legjitimë, ku përfshihen edhe tre deputetët të cilët nuk pranuan të dorëhiqeshin pas vendimit të Opozitës së Bashkuar.
182 deputetë dhe kandidatë për deputetë të partive opozitare refuzuan të ishin pjesë e Kuvendit.
Edhe pse shteruan të gjitha listat e partive opozitare prej 18 muajsh, Kuvendi ka formalisht vetëm 122 deputetë nga 140 deputetë që është detyrimi kushtetues.
Procesi i zëvendësimit ka qenë haptas antikushtetues dhe antiligjor.
Ndaj është koha t’i jepet fund çdo marrëzie, fundi i së cilës dihet qartë.
E ardhmja europiane e Shqipërisë është alternativa e vetme e të gjithë qytetarëve të këtij vendi.
Të gjithë të distancohen nga aventurierët dhe Haxhi Qamilët!
SHQIPËRIA E PARA!
Gazeta Mapo.