![](https://i0.wp.com/www.shqiperia.com/blog/wp-content/uploads/2020/10/Franc-Miklošič-2.jpg?fit=480%2C360&ssl=1)
Kush ishte Franc Miklosiç?
Kush ishte Franc Miklosiç?
Franc Miklosiç (1813-1899) ishte filolog slloven, profesor në Universitetin e Vjenës, sllavist, ballkanolog e albanolog i njohur.
U mor gjerësisht në vitet 60-70 të shekullit të kaluar edhe me studimin historik të krahasuar të gjuhës shqipe dhe solli një ndihmesë me vlerë për të ndriçuar marrëdhëniet e saj me gjuhët e tjera.
Që në veprën e tij “Elementet sllave në rumanishten”, në të cilën shtroi edhe problemin e lidhjeve në mes gjuhëve ballkanike, u mor gjerë edhe me mjaft çështje të historisë së shqipes, me fjalët autoktone të përbashkëta të shqipes e të rumanishtes, me latinizmat e gjuhës sonë.
Pas vitit 1870 u mor me studimin historik të leksikut të shqipes. Botoi tre vëllime me titullin “Gjurmime shqiptare”.
Me studimet e tij sjell ndihmesa të rëndësishme edhe për fonetikën historike e për morfologjinë historike të shqipes.
G. Dita