Akuzat/ Grupi i “Demokratëve” në Kuvend kallëzon në SPAK dy ministrat e Qeverisë Rama

Aug 3gusht 2020

Grupi Parlamentar i “Demokratëve” në Parlament, i përfaqësuar nga Myslim Murrizi ka paditur sot në Strukturën e Posaçme Anti-Korrupsion, dy ministrat e Qeverisë Rama.

Behet fjalë për ministrin e Brendshëm, Sandër Lleshaj dhe ministren e Mbrojtjes, Olta Xhaçka.

Sipas padisë së dorëzuar nga Myslim Murrizi në SPAK, të dy ministrat akuzohen për “Shpërdorim detyre” për abuzime me tenderat.

Konkretisht ministrat akuzohet për ‘tenderin e uniformave të Policisë së Shtetit dhe atë të këpucëve”.

 

KALLEZIMI I PLOTE

KALLËZIM PENAL

 

 

 

KALLËZUESI:    Grupi Parlamentar “DEMOKRAT” i Kuvendit të Republikës së                   

                                    Shqipërisë.

  

OBJEKTI:            Kallëzim i Veprave Penale të mëposhtme:

 

·        “Korrupsion Aktiv i personave që ushtrojnë funksione publike” , parashikuar nga neni 244;

·        “Korrupsion Aktiv i funksionarëve të lartë shtetëror ose të zgjedhurve vendorë” parashikuar nga neni 245;

·        “Shpërdorimit të detyrës” parashikuar nga neni 248;

·        “Shkelje e barazisë së pjesëmarrësve në tendera apo ankande publike” parashikuar nga neni 258;

·        “Korrupsion Pasiv i personave që ushtrojnë funksione publike” , parashikuar nga neni 259;

·        “Korrupsion Pasiv i funksionarëve të lartë shtetëror ose të zgjedhurve vendorë” parashikuar nga neni 260;

  

KUNDËR:           1. Sandër LLESHAJ,  Ministër i Brendshëm;

 

                                 2. Drejtoria e Blerjeve të përqëndruara (ABP)

                                     Znj. Edlira NAQELLARI;

 

      3. Anëtarët e Komisionit të vlerësimit të ofertave (KVO) , si dhe cdo anëtar tjetër pjesëmarrës në procedurën e mëposhtme;

4. Olta XHAÇKA, Ministre e Mbrojtjes;

 

  5. Agjensia e Prokurimeve Publike;

6. D&E sh.p.k. me NUIS K71804001C me adresë, Tiranë Njësia Bashkiake nr. 5, rruga “Mito Tutulani” pallati “Alb Millenium” nr. 6, kati 2.

7. MARSI&AL sh.p.k. me NUIS L21502014K me adresë, Tiranë rruga “Sami Frashëri” pallati “Aviacioni i Vjetër”,shk. 2, ap. 4.

 

BAZA LIGJORE:   Nenet 75/a, 280, 283 e vijues të Kodit të Procedurës Penale, neni 244, 245, 248, 258, 259, 260 i Kodit Penal, nenet 8, 9, 10 e vijues të Ligjit nr. 95/2016 “Për Organizimin dhe Funksionimin e Institucioneve për të luftuar korrupsionin  dhe krimin e organizuar, Ligji nr. 9643, datë 20.11.2006, ndryshuar me Ligjin nr. 9800, datë 10.09.2007, Ligjin nr. 9855, datë 26.12.2007, Ligjin nr. 10170, datë 22.10.2009, Ligjin nr. 10309, datë 22.07.2010, Ligjin nr. 22/2012, Ligjin nr. 131/2012, Ligjin nr. 182/2014 dhe Ligjin nr. 47/2017, Ligjin 103/2018 “Për Prokurimin Publik” i ndryshuar. …