Rastet për dhurata janë pa fund gjatë gjithë vitit, prandaj kjo ditë kërkon një të veçantë, të pamenduar nga askush më parë. Një ide do të ishte të stamponit diçka, një veshje apo një jastëk me foton tuaj. Çfarë do të të dhuroni, mos harroni lulet. 50 milionë trëndafila dhurohen vetëm për 14 shkurt në të gjithë botën dhe një miliardë kartolina vetëm në SHBA.
Telekomanda që kontrollon meshkujt
Kjo telekomandë enkas për femrat do tregojë se kush e vesh fundin në marrëdhënien tuaj. Shpesh e kaloni ditën me zënka, humbni zërin nga të bërtiturat dhe ai prapë nuk merr vesh. Telekomanda është e pajisur me butona ku kërkoni puthje, t’ju sjellin ushqim dhe t’ju bëjnë komplimente.
Mini frigorifer me USB
Ndonjëherë doni një pije të ftohtë, por nuk doni të ngriheni nga kompjuteri për ta marrë. Zgjidhja është frigoriferi i vogël që punon duke u lidhur me trurin me anë të USB-së. Kur vini fishen frigoriferi ftoh si çdo frigorifer normal.
Postera të personalizuar
Posterat e personalizuar janë mënyra më e mirë për ta mbushur murin me diçka romantike. Mbi to mund të shkruani mesazhin e preferuar mbi foton tuaj apo të parterit. Ato do t’ju kujtojnë jetën e bukur së bashku dhe do ta bëni gjumin e qetë pasi do të jetë e fundit pamje që do të shihni në mbrëmje dhe e para në mëngjes. Foto mund të përdoret edhe në desktop.
Adoptoni një gomar
Kjo dhuratë e pazakontë do të sjellë shumë ndryshime në jetën e një gomari, një dhuratë e përsosur për çdo dashamirës kafshësh. Kushdo dhuron qen, mace, madje edhe elefantë, por askush gomar. Shoqata “Island Farm Donkey” jua ofron këtë mundësi. Kërkoni në “Google”.
Letra bixhozi prej hekuri
Pesëdhjetë e katër letrat janë gdhendur mbi çelik për një pamje të fortë. Letrat gjithashtu janë të pajisura edhe me një kuti mbrojtëse. Nëse kërkoni dhuratën më afatgjatë të mundshme, letrat prej çeliku janë të përsosura.
Emëroni një yll me emrin që doni
Përjetësojeni dashurinë tuaj duke ua vënë emrin dy yjeve të afërt vetëm për 30 paund. Qielli nuk do jetë më i njëjti; mjafton të ngrini sytë lart dhe të dini se diku yjet tuaj kanë kapur duart dhe po shndërrojnë për ju dhe të dashurit tuaj.
Kompleti i thikave zvicerane
Ndoshta është një prej artikujve më të pazakontë që keni parë në jetën tuaj, por ky komplet thikash ka 87 mjete të ndryshme që mbulojnë 112 funksione. Për fat të keq kushton 1 mijë dollarë, por gjithsesi më pak se thikët individuale.
Arush me mesazhin tuaj
Dhuratat për t’u përfaqur janë idealet për çdo rast. Qoftë për ditëlindje, Krishtlindje apo Shën Valentin. Zgjidhni mesazhin e preferuar dhe shkoni dhe stampojeni mbi veshjen e kukullës. Askush nuk do t’ju rezistojë pas kësaj.
Një elefant për një person të dashur
Kjo është një tjetër dhuratë e pazakontë për ditën e Shën Valentinit. Ndryshe nga vendet e tjera në Shqipëri askujt nuk i ka shkuar në mend. Përse të mos jini ju të parët t’i dhuroni partnerit/partneres suaj një elefant. Nëse s’mund ta bleni mjafton ta merrni për një ditë me qera.
Blini një copë Hënë për 20 paund
Rrezikoni me guxim të bëni atë që askush tjetër s’e ka bërë. Dedikojani një akër hëne “kozmonautes” së preferuar. Kjo dhuratë e veçantë ju pajis me certifikatën e blerjes dhe koordinatat për të gjetur ngastrën, hartën e hënës dhe mjete astrologjie.
Aurora Foto : Gazeta TiranaObserver
