Prof. Uci mbyll “Universin estetik” me modernizimin

Vepra, e cila tashme mund te gjendet ne librarite dhe bibliotekat kryesore te vendit, eshte fryt i nje pune dhjeteravjeçare te akademikut, prof. Alfred Uçi, specialist ne fushen e estetikes dhe filozofise. “Universi estetik” I, II, III, nuk eshte veper per kohe te kaluara, qe meritojne te harrohen, por per rrugenisje ne fillim te Mileniumit te trete, per t’i dhene pergjigje kapercimit te krizes se idealit estetik qe eshte reflektuar edhe ne zhvillimet e kultures artistike moderne.

Njeriu qe ecen per diku nuk mund te mos e hedhe veshtrimin prapa, qofte per pak, sepse e ardhmja eshte e panjohur dhe nuk jemi te sigurt se ku do te sosemi. E vetmja drite qe ndriçon tunelin e se pritmes eshte pervoja e se kaluares. Te tria vellimet e serise “Universi estetik” bejne fjale per shume epoka te historise se mendimit estetik dhe te kultures artistike, qe synojne ta terheqin lexuesin e sotem te hyje ne dialog me pervojat e begata te ketyre epokave. Historia nuk kthehet prapa, as perseritet, as ndreqet, por vetem mund te kuptohet me vlerat, arritjet e humbjet e saj, me te cilat ajo e josh lexuesin ta ndjeke aventuren odisejane te gjinise e te gjenise njerezore, t’i dorezohet angazhimit fatal per te mesuar, duke mbijetuar drejt se panjohures. Vetem ne kete rruge historia e estetikes arrin te jete dialog midis se kaluares dhe kohes sone.

Marre nga : Gazeta Albania