Tirana-Laçi/ Nga heshtja te Vujadinoviç që ngatërron pankinë
Në këtë seksion: Sporti · 8 artikuj ↓
Edhe Tirana me Laçin iu bashkuan nderimeve për ngjarjen e ndodhur në Vlorë, kur një tifoz humbi jetën.
Ndeshja nisi me heshtje, ndërsa detajet e shumta që ofroi kjo ndeshje nuk munguan.
Binte në sy numri i madh i titullarëve të dëmtuar të Tiranës në tribunë, si dhe momenti kur portieri Vujadinoviç për pak sa nuk u ul te pankina e vendësve.
Heshtja
- Ndeshja nisi me një minutë heshtje për të nderuar tifozin vlonjat, Mikel Selmanaj, i cili humbi jetën pak ditë më parë. Ngatërrimi - Miroslav Vujadinoviç ngatërron pankinat. Pak para se të niste ndeshja, portieri, i cili dje ishte rezervë, iu drejtua stolit të Tiranës, por vetëm kur nuk pa shokët e tij, e kuptoi se duhet të shkonte nga ana tjetër.
Mungesat
- Karabeci, Karan, Bulku, Kërçiku e Idrizaj e panë ndeshjen në tribunë dje. I pari mungonte prej kartonëve, ndërsa të tjerët për shkak dëmtimesh. Madje, në fund policët nuk i lejonin të futeshin në dhomat e zhveshjes, pasi nuk i njihnin.
Maska
Olsi Teqja luajti me maskë dje. Për të shmangur kontaktin në hundën e thyer, lojtari vendosi mburojë, paçka se në një moment dyluftimi e pa veten në siklet, pasi iu largua.
Gjyqtarët
Shirat e dendur nuk rënduan vetëm terrenin, por detyruan edhe arbitrat që në pushim të ndryshonin uniformë. E nisën ndeshjen me blu të errët dhe e përfunduan me jeshile.
Japonezi
Masato Fukui shfaqet gjithnjë i kuruar me flokët e tij. Japonezi u shfaq me ngjyrë të re. Pas blusë (të cilat i leu për shkak të ngjyrës që ka fanella e Tiranës), dje i kishte zverdhur sërish.