e mërkurë, 18 nëntor 2026
Shqiperia.comPortali shqiptar
Sporti

Platini le pa bilete Maradonen: Kishin mbaruar

Në këtë seksion: Sporti · 8 artikuj ↓
Platini le pa bilete Maradonen: Kishin mbaruar
“Diego nuk ishte në ‘Uembli’ dhe është shumë i zhgënjyer për këtë fakt, duke qenë se fajtor është stafi i Mishel Platinisë dhe askush tjetër. Ndonëse kërkoi që ta blinte me parà në dorë hyrjen për të shijuar Borusia Dortmund-Bajern Mynih, edhe në këtë mënyrë nuk u arrit të gjendej një biletë për një ikonë si ai”. E çuditshme, por e vërtetë: Diego Armando Maradona nuk ishte në “Uembli” dhe këtë fakt e ka konfirmuar avokati i “Pibe D’Oro”-s, Anxhelo Pizani. “Maradona i telefonoi personalisht Mishel Platinisë për t’i kërkuar një vend për të parë finalen, por ai iu përgjigj se nuk i kishte mbetur asnjë biletë e disponueshme. Ky fakt e nervozoi, jo për biletën, më shumë sesa për një përgjigje arrogante”. Mirëpo, duket se Maradona nuk ka qenë i vetmi që mbeti pa biletë, pasi edhe Pol Skolls i kishte kërkuar Sërl Aleks Fergusonit gjithashtu një të tillë, por skocezi u përgjigj se nuk kishte më asnjë vend të disponueshëm në stadium.