Pep bëri premtime boshe, nisin krisjet mes Gëces dhe trajnerit
Në këtë seksion: Sporti · 8 artikuj ↓
Kishin kaluar 5 muaj që Mario Gëce qëndronte jashtë fushave të futbollit. Më 8 tetor 2015, kampioni i botës pësoi një dëmtim muskulor në ndeshjen e kombëtares gjermane kundër Irlandës.
Më në fund mesfushori i Bajernit është rikuperuar totalisht dhe pret të aktivizohet. Mediat gjermane kanë zbuluar se Mario Gëce ka mbetur i zhgënjyer nga plani i Pep Guardiolës në ndeshjen ndaj Volfsburgut.
Trajneri spanjoll pati premtuar aktivizimin e tij të paktën 15 minuta, por në fakt ky premtim rezultoi një gënjeshtër. Ai jo vetëm që nuk ishte në formacion, por as nuk u aktivizua në pjesën e dytë, pasi Guardiola i besoi më shumë Riberisë, Tiagos dhe disa minuta Rodes.
"Ishte vendimi im që Gëce të qëndronte në stol. Kjo ishte gjithçka në këtë histori", u përgjigjet me inat pyetjeve thumbuese të gazetarëve, Pep Guardiola. Disa ekspertë flasin për përplasje mes Gëces dhe Guardiolës, aq sa kjo mund të vërë në rrezik edhe pjesëmarrjen e tij në "Euro 2016".