e mërkurë, 18 nëntor 2026
Shqiperia.comPortali shqiptar
Sporti

Maradona, Zanetti e Simeone vijne ne Kosove

Në këtë seksion: Sporti · 8 artikuj ↓
Maradona, Zanetti e Simeone vijne ne Kosove

Diego Maradona, Ariel Ortega, Javier Zanetti, Gabriel Batistuta, Hernan Crespo, Riquelme, Diego Simeone e Sebastian Veron janë disa nga legjendat e Argjentinës që gjatë këtij viti mund të shkelin në Kosovë.

Legjendat e përfaqësueses së Argjentinës gjatë këtij viti pritet të luajnë ndeshje miqësore me përzgjedhjen e veteranëve të Kosovës e Shqipërisë.

Kjo ndeshje miqësore e veteranëve parashikohet të organizohet gjatë verës në Kosovë.

Zyrtarë të Federatës së Futbollit të Kosovës, kanë konfirmuar se po punojnë për këtë ndeshje, ndërkohë që iniciativa për sjelljen e yjve argjentinas në Kosovë është konfirmuar edhe nga Ministria e Kulturës, e Rinisë dhe e Sporteve.

Ndeshja shumë lehtë mund të zhvillohet, por problem paraqiten vetëm financat.

Ekipi argjentinas ka kërkuar 300 mijë euro për një ndeshje miqësore në Kosovë. Megjithatë, janë duke u shqyrtuar disa mundësi që të grumbullohen mjetet financiare për të zhvilluar këtë ndeshje që vlerësohet të jetë një reklamë e madhe para pranimit të FFK-së në UEFA e FIFA.