e mërkurë, 18 nëntor 2026
Shqiperia.comPortali shqiptar
Sporti

Lorik Cana: Na duhet nje kombetare me shqiptaret e Ballkanit

Në këtë seksion: Sporti · 8 artikuj ↓
Lorik Cana: Na duhet nje kombetare me shqiptaret e Ballkanit
Kapiteni i kombëtares shqiptare, Lorik Cana, në një intervistë për “Presheva Jonë” shprehet se planet janë që në të ardhmen të krijohet një kombëtare e fortë me shqiptarët e Ballkanit.

“Kjo mund të ndodhë pse jo, kur i kemi futbollistët. Tani nevojitet vetëm një bashkim, organizim i mirëfilltë dhe gjetja e rrugëve se si duhet ta realizojmë këtë dëshirë, iniciativë projekt madhështor me karakter kombëtar. Por si fillim ne duhet të jemi të qartë para opinionit se çfarë duam, kë dhe si duam ta përfaqësojmë. Unë gjithnjë kam qenë i mendimit se kombëtarja e çdo shqiptari, pavarësisht se ku është lindur apo ku është rritur dhe ku vepron sot, është vetëm kombëtarja shqiptare, pavarësisht se politika nganjëherë përpiqet të na çorientojë synimet tona, por politikat shkojnë e vijnë…, sporti, futbolli mbetet. Ne këtë mund dhe do ta arrijmë. Pas vendimit të ardhshëm të FIFA-s në mesin e dhjetorit, që do të jetë hapi i parë, më pas ndoshta Kosova do të mund të marrë lojtarët kosovarë që luajnë me kombëtaret e vendeve të tjera. Shpresoj që në një të ardhme jo të largët ne do të kemi në hapësirat tona vetëm një kombëtare, një përfaqësim të futbollit shqiptar në Ballkan me një flamur”, shprehet Cana.

Ai është shprehur se integrimi në UEFA apo FIFA i Kosovës nuk lidhet me nivelin e futbollistëve kosovarë pasi ata kanë dëshmuar mjaft sukses, por problemi qëndron tek politika. Megjithatë ai është optimist se Kosova më 14 dhjetor do të jetë pjesë e FIFA-s.