Hasi fiton duelin e parë me grekët e Olimpiakosit (VIDEO)
Në këtë seksion: Sporti · 8 artikuj ↓
Skuadra e Anderlehtit e drejtuar nga Besnik Hasi, ka marrë një fitore me vlerë në fushën e saj ndaj grekëve të Olimpiakosit.
Takimi i vlefshëm për çerekfinalet e Ligës së Europës mes Anderlehtit dhe Olimpiakosit u mbyll në shifrat 1-0 për vendasit.
Ish-futbollisti i Kombëtares shqiptare kaloi testin e parë për në turin tjetër, paçka se ndeshja e kthimit pritet të jetë e vështirë për belgët.
Goli i fitores për vendasit u realizua në minutën e 67´ nga Kara Mbodji.
Konfuzioni që u krijua në zonën e miqve, bëri që arbitri kryesor të këshillohej për disa çaste me anësorin dhe më pas të deklaronte golin për ekipin e Hasit. Fitorja ndaj Olimpiakosit forcon pozitat e trajnerit shqiptar te Anderlehtit.
