Duka tregon rrezikun: Memushaj mund të humbë Europianin
Në këtë seksion: Sporti · 8 artikuj ↓
Ledian Memushaj është kapiteni i Peskarës në Serinë B italiane, por në të njëjtën kohë edhe një nga futbollistët më të rëndësishëm të Kombëtares shqiptare.
Mesfushori vlonjat është një pikë e rëndë- sishme si për trajnerin Masimo Odo, ashtu edhe për Xhani De Biazin.
Mirëpo, ekziston rreziku i një "përplasjeje" eventuale në muajin qershor mes De Biazit dhe Odos për shërbimet e mesfushorit. Në një deklaratë për mediat italiane, kreu i FSHF-së ka bërë me dije se ekziston rreziku i mundshëm që mesfushori vlonjat t'i humbasë kualifikueset.
"E di që ekziston problemi për Memushajn, pasi në periudhën e Europianit, Peskara mund të ketë ndeshjet 'play-off'. Ne si federatë do të bëjmë të pamundurën që të mund të përmbushim kërkesat e skuadrës, mirëpo ai është një futbollist shumë i rëndësishëm për ne.
Gjithsesi, në fund zgjedhja është e trajnerit. Memushaj është pjesë e kombëtares prej gjashtë vitesh dhe është rritur shumë tashmë. Ai është një shtyllë për ekipin tonë, por edhe për Peskarën gjithashtu", ka deklaruar ndër të tjera Duka për mediat italiane