Diego Kosta ne dyshim, duhen 15 dite pushime
Në këtë seksion: Sporti · 8 artikuj ↓
Diego Kosta është në garë me kohën për të marrë pjesë në Kampionatin Botëror që fillon pas pak më shumë se dy javësh. Sulmuesi spanjoll i Atletiko Madridit, dje u është nënshtruar disa vizitave mjekësore që kanë konfirmuar se ai ka një mikrofrakturë dhe do të jetë i detyruar të qëndrojë 15 ditë pushim. Por Spanja debuton në Botëror pas vetëm 18 ditësh, duke e bërë gjithnjë e më të pasigurt pjesëmarrjen e futbollistit në këtë aktivitet.
Trajneri Del Boske e kishte planifikuar atë si titullar në radhët e përfaqësueses që drejton, por ky dëmtim duket se do ta detyrojë të ndryshojë planet. “Nuk do të marrim në Botëror lojtarë që janë të dëmtuar”, ishin fjalët e Del Boske në konferencën e fundit për shtyp. Nëse Diego Kosta nuk do të grumbullohet për Botërorin, atëherë dy sulmuesit e vetëm që e kanë vendin e sigurt në radhët e Spanjës, janë David Vija dhe Fernando Torres. Dueli për vendin e tretë do të jetë mes Alvaro Negredos dhe Fernando Jorentes.