e mërkurë, 18 nëntor 2026
Shqiperia.comPortali shqiptar
Sporti

Arturo Vidal: Jam me i miri ne bote ne pozicionin tim

Në këtë seksion: Sporti · 8 artikuj ↓
Arturo Vidal: Jam me i miri ne bote ne pozicionin tim

Mesfushori i Juventusit, Arturo Vidal, shprehet se ai është mesfushori më i mirë në botë në pozicionin e tij. Kiliani thotë në një intervistë për “Bild”, se askush nuk mbron dhe shënon si ai.

“Sekreti i topave të shumtë të rekuperuar dhe shënimit të shumtë të golave? Shpjegimi është i thjeshtë: në pozicionin tim jam lojtari më i mirë në botë. Shumë lojtarë të tjerë përpiqen të më kopjojnë, por nuk ia arrijnë”, ka thënë mesfushori bardhezi.

Vidal është kthyer në një prej mesfushorëve më të mirë në botë dhe nga më të kërkuarit në merkato, që prej ardhjes tek Juventusi.

Vetëm në fazën e parë të këtij kampionati, përveç topave të shumtë të rekuperuar, ai ka shënuar edhe 10 golave. Po t’u shtosh edhe pesë golat e tjerë në Ligën e Kampioneve, shifra shkon në 15 gola të shënuar.

Së fundmi për të flitet se ka shfaqur një interes të fortë Mançester Junaited, por Juventusi nuk ka ndërmend që ta shesë, duke qenë se vetëm pak kohë më parë i rinovoi kontratën. Për më tepër që Vidal ka thënë se tek Juventusi ndihet si në shtëpinë e vet dhe një ditë dëshiron të bëhet kapiten i ekipit.