Ndërkohë, gazetat dhe paparacët kanë nisur gjuetinë ngaj “të fejuarës” misterioze të kryeministrit italian. Ndërsa gjatë ditës u përmendën shumë emra, mes të cilave edhe vetë Minetti, të gjitha rreth moshës 25-vjeçare, nga pasditja situata u qartësua disi dhe sytë u drejtuan tek vetëm një bukuroshe. Ajo është Roberta Bonasia, 26-vjeçare, ish-pjesëmarrëse në Miss Italia. Emri i saj doli gjatë përgjimeve të çështjes, ku Lele Mora dhe Emilio Fede ankohen me njëri-tjetrin se “Roberta Bonasia ka marrë në dorë gjithçka. Pretendon gjithçka. Ai ka rënë brenda...”, thuhet në transkriptimin e telefonatës në aktet e Prokurorisë së Milanos.
Në një tjetër pjesë të përgjimeve, të cilat kësaj radhe janë nga telefoni i 18-vjeçares marokene, Ruby, thuhet se ajo i ka kërkuar Silvio Berluskonit 5 milionë euro. Sipas agjencisë Ansa, me këto para ajo nuk do të fliste më në prokurori dhe do të dilte fare nga përfshirja në këtë çështje. “Çështja ime po e tejkalon atë të D’Addario-s. Unë kam folur me Silvion dhe i kam thënë se dua të dal me 5 milionë”, ka thënë 18 vjeçarja në telefonatë. “Nuk jemi aspak të shqetësuara sepse Silvio vazhdon të më telefonojë. Më tha ‘përpiqu të hiqesh si e çmendur, trego budallallëqe’”, thuhet në bisedën mes Ruby-t dhe “R”. “Ai më telefonoi dhe më tha: Ruby, do të jap shumë para, do të të paguaj, do të bëj prej floriri, por është e rëndësishme që të fshehësh gjithçka. Mos i thuaj asgjë askujt”, thuhet në telefonatën mes 26 dhe 28 tetorit.