Greqi bomba molotov autobusit Athin

Një autobus i linjës Athinë- Sarandë është sulmuar me bomba molotov teksa po lëvizte në rrugës nacionale Antiriu- Janinë, në Kefalovriso pak pas mesnatës së të dielës. Lajmi është konfirmuar për tv NEWS24 nga ambasadori shqiptar në Greqi Dashnor Dervishi por dhe nga vetë shoferi i autobusit, Leonard Berberi.

Autobusi me targa SR 5892 B i kompanisë Sarandë Ekspres po udhëtonte në drejtim të Shqipërisë kur është sulmuar nga një grup personash në në kilometrin e 44 të rrugës nacionale Antiriu- Janinë.

Ambasadori shqiptar deklaron për NEWS24 se “në momentin kur ka ndodhur sulmi autobusi ka qenë në lëvizje por nuk ka pasur pasagjerë. “

Sulmi është pasqyruar dhe në të përditshmen greke "Kathimerini" e cila sot në faqen e saj online, duke iu referuar burimeve policore helene, shkruan se persona ende të panjohur kanë lëshuar 3 bomba me molotov në drejtim të autobusit me targa shqiptare.

Nga incidenti nuk ka pasur të lënduar vetëm dëme materiale. Njëra nga bombat molotov ka shkaktuar flakë tek një derë e autobusit por që është shuar menjëherë nga forcat zjarrfikëse të Mesologji, si dhe janë thyer disa xhama të autobusit.

Mësohet se Policia greke ka nisur hetimet të zbardhur rrethanat e këtij akti. Ambasadori Dervishi tha për NEWS24 se ishin në kontakt me policinë greke dhe se dyshohet se autobusi është sulmuar nga një grup tifozësh grekë