Londra është në festë. Në mikpritjen e Olimpiadës 2012, kryeqyteti britanik i bën homazhin e duhur skuadrës së saj të parë që arriti të fitonte Champions League në futboll, Çelsit të Roberto Di Mateos dhe heroit të Mynihuto, Didier Drogba. Mijëra persona kanë asistuar në rrugë, me flamuj bardheblu në duar, në sfilatën e idhujve të tyre mbi një autobus të zbuluar me stemën dhe ngjyrat e skuadrës dhe mbishkrimin “Champions of Europe”. Lojtarët e kanë kaluar nëpër duar Kupën e madhe, duke ua treguar tifozëve. Në bord ishin lojtarët, stafi teknik dhe drejtuesit, por edhe padroni Roman Abramoviç.
Në veçanti euforik është dukur kapiteni Xhon Terri, i cili mungoi në finale si i skualifikuar. Kortezhi triumfal i Çelsit nisi në orën 16. 00 (17.00 me orën tonë) nga hyrja lindore e stadiumit “Stamford Bridge”, për të vazhduar më pas në Fulham Road, Hortensia Road, King’s Road e New King’s Road përpara se të përfundonte në Eel Brook Common. Shumë rrugë ishin mbyllur nga trafiku disa orë para parakalimit të Lampard me shokë. Shtypi anglez i ditës ishte shpërthyes pas suksesit të “Blues”-ave në finalen e Mynihut ndaj Bajernit. Drogba me shokë “Gladiatori”, Champions “Grali i Shenjtë” shkruhej nëpër tituj. “Didi did it” (“Didier ia doli) është titulli i “The Sun”, duke kujtuar që “një skuadër angleze më në fund i mund gjermanët pas gjuajtjes së 11-metërshave, ku Çelsi jofavorit fitoi për surprizë Championsin”. “Drogba e Çeh sjellin Gralin e Shenjtë: ‘Blues’-at kurorëzohen sovranë të Europës”, e hap faqen e saj “Mail on Sunday”.
“Një sezon që ka vënë në diskutim besueshmërinë e Çelsit, ka bërë një jehonë epike në një natë vere, lexohet në të. Drogba, me atë që mund të ketë qenë gjuajtja e tij e fundit për klubin e tij, realizoi një penallti dhe i dha fund një odiseje që zgjaste prej 9 vitesh, që kur Abramoviç bleu Çelsin dhe e transformoi futbollin europian”. “Champions” titullonte “Sunday Express”: “Gladiatorët e Abramoviç mbretërojnë Europën, shiun e Moskës 2008 e zëvendësojnë lumenj lotësh të lavdishëm”. Ndërkohë që disa gazeta i kushtojnë jo pak rëndësi fabulës së “Zotërisë së panjohur”, trajnerit Roberto Di Mateo, i cili në 100 ditë mundi të fitonte fronin e Europës.
Në veçanti euforik është dukur kapiteni Xhon Terri, i cili mungoi në finale si i skualifikuar. Kortezhi triumfal i Çelsit nisi në orën 16. 00 (17.00 me orën tonë) nga hyrja lindore e stadiumit “Stamford Bridge”, për të vazhduar më pas në Fulham Road, Hortensia Road, King’s Road e New King’s Road përpara se të përfundonte në Eel Brook Common. Shumë rrugë ishin mbyllur nga trafiku disa orë para parakalimit të Lampard me shokë. Shtypi anglez i ditës ishte shpërthyes pas suksesit të “Blues”-ave në finalen e Mynihut ndaj Bajernit. Drogba me shokë “Gladiatori”, Champions “Grali i Shenjtë” shkruhej nëpër tituj. “Didi did it” (“Didier ia doli) është titulli i “The Sun”, duke kujtuar që “një skuadër angleze më në fund i mund gjermanët pas gjuajtjes së 11-metërshave, ku Çelsi jofavorit fitoi për surprizë Championsin”. “Drogba e Çeh sjellin Gralin e Shenjtë: ‘Blues’-at kurorëzohen sovranë të Europës”, e hap faqen e saj “Mail on Sunday”.
“Një sezon që ka vënë në diskutim besueshmërinë e Çelsit, ka bërë një jehonë epike në një natë vere, lexohet në të. Drogba, me atë që mund të ketë qenë gjuajtja e tij e fundit për klubin e tij, realizoi një penallti dhe i dha fund një odiseje që zgjaste prej 9 vitesh, që kur Abramoviç bleu Çelsin dhe e transformoi futbollin europian”. “Champions” titullonte “Sunday Express”: “Gladiatorët e Abramoviç mbretërojnë Europën, shiun e Moskës 2008 e zëvendësojnë lumenj lotësh të lavdishëm”. Ndërkohë që disa gazeta i kushtojnë jo pak rëndësi fabulës së “Zotërisë së panjohur”, trajnerit Roberto Di Mateo, i cili në 100 ditë mundi të fitonte fronin e Europës.
