Sulmuesi i Kombëtares së Shqipërisë, Erjon Bogdani, i është përgjigjur troç dëshpërimit të tifozëve të Sienas përmes një konference të mbajtur të martën ku edhe është prezantuar si transferim i ri, raporton “Repubblica.it”. Krerët e Sienas u patën premtuar tifozëve se do të transferojnë sulmuesin e Milanit, Filippo Inzaghin, por në ditën e fundit të miniafatit kalimtar ata transferuan Bogdanin, ish-sulmuesin e tyre, që luante te Cesena. Bogu u shpreh prerazi se nuk ndjehej aspak inferior krahasuar me sulmuesin mitik të Milanit, Filippo Inzaghi.