Kryeprokurorja flet për hetimin e 21 janarit
Rama: Vrasjet nga Garda janë me dashje, plumbat, jo rikoshetë
“Deklaratat e Berishës janë presion mbi hetimin, por unë kam frikë vetëm nga ligji”
Kryeprokurorja e Republikës, Ina Rama, ka sqaruar dje për herë të parë hetimet e ngjarjeve të 21 janarit. E ftuar në emisionin “Opinion” të gazetarit Blendi Fevziu në TV Klan, Rama ka shpjeguar nga akuzat për kreun e Gardës e kërkesën për heqjen e imunitetit të deputetëve, deri te raportet e saj me Kryeministrin Berisha, Presidentin Topi dhe kreun e opozitës, Edi Rama.
Nuk mund t’i kryenit ju vetë hetimet për 21 janarin pa kërkuar ndihmën e FBI-së?
Ishte edhe serveri, ishte edhe rindërtimi i vendit të ngjarjes, ripastrimi i pamjeve filmike, rindërtimi në tredimensional i vendit të ngjarjes.
Ishin të pamundura të bëheshin në Shqipëri?
Disa prej tyre ishin të pamundura të bëheshin në Shqipëri. Siç është rindërtimi në tredimensional, që ende nuk kemi marrë një përgjigje, ose nevoja për të pastruar pamjet filmike, që është e pamundur në Shqipëri. Në Shqipëri kemi një laborator të Policisë Shkencore, i cili është në varësinë e Ministrisë së Brendshme, që bëri ekzaminimet balistike, por që nuk na dhanë përgjigje për të gjitha pyetjet që ne kishim shkruar. Ne mund ta bënim vetë një pjesë, por nuk mund t’i bënim dot vetë të gjitha. Ishin dy arsyet që kërkuam ekspertizë. E para, për një nivel të lartë profesional, që laboratori i FBI-së i ka. Dhe e dyta, për një çështje kredibiliteti në situatën që u krijua në atë kohë.
Pse nuk e keni filluar hetimin për tre deputetët e PS-së ose për organizatorët e tjerë?
I gjithë hetimi për këtë ngjarje iu ngarkua policisë, me urdhra verbalë dhe formalë.
Deputetët mund t’i thërriste për t’i pyetur policia dhe kush do të kërkonte heqjen e imunitetit të tyre, qoftë për t’i pyetur?
Ne kërkuam imunitetin për t’i pyetur, se nuk i pyesnim dot as ne, Policia e Shtetit jo e jo. Policia pati gjithë kohën në dispozicion, gjithë atributet për të bërë çdo veprim që e çmonte të arsyeshme dhe të propozonte çdo lloj konkluzioni për akuza formale ndaj deputetëve, ndaj kryetarit të PS-së, ndaj organizatorëve, ndaj kujtdo, në bazë të provave që kishte mbledhur. Janë bërë takime periodike çdo të hënë në orën 10:00.
Është pirë kafe?
Jo, jo. Janë bërë takime pune. Në muajin korrik policia sugjeroi pezullimin e hetimeve duke analizuar gjithçka ka bërë. Është një relacion goxha i plotë. Arsyetoi dhe tha se nuk arriti dot t’i identifikojë organizatorët. Ky material u përcoll nga drejtori i Policisë së Tiranës në Prokurori dhe ne, për të garantuar një hetim gjithëpërfshirës, siç e kishim premtuar, i themi Policisë: “Jo, ju duhet të vazhdoni të bëni hetime të tjera”. Nga kjo kohë kanë vazhduar sërish këto takimet e të hënave në orën 10:00 deri në javën e fundit të dhjetorit, në pritje të fakteve që do të prezantoheshin atje. Nuk patëm një konkluzion nga Policia për këtë gjë. Edhe sot nuk kemi as këta tre deputetë që ne u kemi vënë gishtin, dhe kjo është zyrtare.
Atëherë pse kërkoni heqjen e imunitetit të tre deputetëve kur nuk figurojnë?
Jo s’figurojnë, por nuk ka sjellë Policia gjë.
Po kur Policia nuk ka asnjë provë ndaj tyre, pse hiqet imuniteti, për balancë politike?
Jo, prokurori është përgjegjës për hetimin. Ne çmuam se për kaq sa kemi bërë dhe kaq aktivitet sa ka bërë Policia, nuk arrijmë dot të ngremë akuza. Na duhet të bëjmë edhe veprime të tjera për të cilat kemi nevojë të heqim imunitetin, dhe duhet t’u heqim imunitetin atyre individëve për të cilët kemi të dhëna se mund të kenë qenë organizatorë. Identifikuam ata tre deputetë që shkuan në Parlament.
Pse u bë në këtë moment?
Gjithë kohën pritëm konkluzionet e Policisë dhe nuk erdhën. Ndërkohë erdhën përgjigjet e laboratorit të FBI-së dhe ne ishim gati të konkludonim për aspektin e vrasjeve dhe në shqyrtim morëm gjithë hetimin, sepse kemi thënë që do të bëjmë një hetim gjithëpërfshirës.
Pse u kërkua ndalimi i gjithë zinxhirit komandues të Gardës kur opozita kishte paralajmëruar protesta të tjera dhe që askush nuk e dinte nëse do të ishin të dhunshme apo paqësore?
Këta gjashtë emra nuk janë zinxhiri komandues i Gardës, sepse Garda ka një komandant, ka zv.komandant, ka shefin e Shtabit, ka vetë Shtabin, ka Drejtorinë e Ruajtjes së Personaliteteve të larta shtetërore dhe pastaj vijnë njësitë që ruajnë godinat dhe rezidencat, drejtues të të cilëve ishin këta individë që ne nxorëm urdhër ndalimi përpos një drejtuesi të njësisë speciale. Garda i kishte të gjithë të tjerët në funksion. Duke parë rregulloren, mendoj se Garda e ka pasur komandën në punë. Më 21 janar pati vrasje, ishin tri viktima dhe një i plagosur rëndë që ndërroi jetën më pas, kishim shumë të plagosur dhe shumë policë të dëmtuar, përveç skenave që pamë…
Që i quajtët ngjarje në bulevard?
Ai është vendi i ngjarjes dhe ai është term ligjor.
Jo sulm ndaj selisë së Këshillit të Ministrave?
Nëse unë do them se ku ndodhi ajo ngjarje, do të them bulevardin “Dëshmorët e Kombit”, nuk mund të them pranë godinës së Kryeministrisë. Ajo është rruga. Nëse do them që u vra një person në rrugën “Ali Demi”, do të them rrugën.
Po kur një makinë godet portën e Kryeministrisë?
Është term ligjor. Më është dukur e pashpjegueshme pse duhej lidhur kaq shumë pas këtij termi. E kemi thënë në bulevard sepse në bulevard ndodhi ngjarja. Për ne prokurorët, nëse do të përshkruajmë vendin e ngjarjes, do të themi që ndodhi në bulevardin “Dëshmorët e Kombit”, jo në bulevardin “Zogu i Parë”. Ajo është rruga, buzë saj është selia e Kryeministrisë, është Kryesia e Kuvendit, është pranë Rognerit. Patëm pamjet filmike që u transmetuan, plumbat vinin nga brenda territorit. Ishte mbaruar këqyrja e vendit të ngjarjes në pjesën jashtë territorit të Kryeministrisë dhe nuk ishte gjetur aty asnjë gëzhojë, që do të thotë se nuk ishin përdorur armë nga demonstruesit, se po të ishin përdorur, gëzhojat bien aty ku përdoret arma. Kishim viktima, kishim deklaratën e një mjeku që tha se viktimat duket se janë goditur me puqitje. Prokurorët konstatuan ushtarë të Gardës duke mbledhur gëzhoja. Konstatuam një refuzim të Gardës për të bashkëpunuar në atë kohë.
Të gjitha dyshimet të çonin te Garda, sepse nga pamjet, i tillë ishte perceptimi. Pamë që kishte një tendencë për të manipuluar hetimin. Patë refuzimin, pamë ushtarët që mblidhnin gëzhojat nga vendi i ngjarjes. Arsyetimi që bëmë ishte i tillë: Kush ka qenë nga Garda në territorin e Kryeministrisë atë ditë? Patëm në dorë planin e masave të miratuar nga komandanti dhe pamë që këta individë për të cilët nxorëm urdhër-ndalimin, ishin në krye të njësive që ishin dislokuar në Kryeministri.
Ne nuk dinim cila nga këto njësi kishte të drejtë apo detyrë të përdorte armë, nuk dinim cila ndodhej në pjesën veriore dhe jugore të godinës, por ama, pamë që këta ishin individët që kishin marrë përsipër të kontrollonin situatën në Kryeministri atë ditë. Duke pasur dyshime që plumbat kishin ardhur nga Garda, duke pasur dyshime që procesi filloi të manipulohej, ne e pamë të arsyeshme të pyesnim dhe të siguronim pyetjen e të gjashtë komandantëve nëpërmjet urdhrave të ndalimit, pa u lënë atyre mundësinë të përpunonin një strategji të deklarimeve që do të bënin, në mënyrë që të përfitonim një rrëfim origjinal që do na vlente për hetimin.
A kishte të drejtë maxhoranca të ishte skeptike ndaj jush në momentin që një bisedë e Hysni Burgajt me ju u referua pas dy orësh në një konferencë shtypi nga Edi Rama?
Urdhrat e ndalimit janë dorëzuar në Polici në orën 6 të mëngjesit atë ditë. Në orën 7 të mëngjesit, drejtori i kabinetit të Burgajt telefonoi një nga zv.prokurorët e Tiranës dhe ka thënë se “urdhrat e ndalimit që keni sjellë nuk do të ekzekutohen sepse në to ka një lapsus”. Lapsusi lidhej me faktin se në brendinë e urdhrave përmendej i njëjti emër, ndërkohë që urdhrat ishin destinuar për individë të ndryshëm. Diskutimi për faktin që urdhrat nuk po ekzekutoheshin është bërë deri në kohën që unë kam folur me Burgajn. Prokurorët insistonin që ky lapsus nuk është fondamental dhe nuk e bën të ekzekutueshëm urdhrin. Fakti që u diskutua kaq gjatë për një urdhër dhe fakti që nuk di rast tjetër kur urdhrat e prokurorit nuk ekzekutohen, ishte një ngjarje e jashtëzakonshme në Prokurori dhe ka jehonë. Kjo çështje lë gjurmë dhe ka jehonë. Disa kohë më pas ka dalë Rama dhe e ka përmendur këtë. Ka qenë një çështje që është diskutuar gjithë ditën në Prokurori dhe Polici. Fjala lapsus është përmendur që në mëngjes.
A keni folur ju atë ditë me zotin Rama?
Me zotin Rama nuk kam folur as atë ditë në telefon dhe asnjëherë në jetën time. Nuk kam asnjëherë asnjë bisedë telefonike me zotin Rama.
A keni folur atë ditë me Topin dhe a ka insistuar ai për të hetuar në drejtim të arrestimit të Gardës dhe më pas organizatorët?
Unë kam komunikuar me Presidentin ditën që ndodhi ngjarja, kam komunikuar dhe ditët në vazhdim. Nuk ka qenë një komunikim aq i shpeshtë sa ju mendoni, ka qenë një komunikim informues. E kam informuar për të dhënat që ne kishim nga hetimi, për gjërat thelbësore, siç kam komunikuar me drejtorin e Policisë dhe me Ministrin e Brendshëm. Nuk kam pasur asnjë insistim nga zoti Topi, përveç orientimit që kjo punë do përgjegjësi, do kushtuar vëmendje dhe do një maksimum përkushtimi nga ana e Prokurorisë. I kam thënë që e gjithë struktura jonë është në punë, të gjithë jemi të organizuar.
FBI konstatoi se serveri ishte formatuar, apo e konstatuat ju?
U konstatua fillimisht nga Laboratori Shkencor shqiptar. Ne e dërguam në SHBA me shpresën që mund të rikuperohej ajo që ishte fshirë. Pamjet do të konsideroheshin shumë të vlefshme për hetimin, se do të ishin të vetmet pamje nga brenda, të gjitha i kemi nga përballë Kryeministrisë.
Nuk u rikuperuan dot?
Nuk u rikuperuan dot. U konfirmua ajo që kish bërë laboratori ynë.
Kryeministria është shprehur se në muajin mars ju ka dërguar një letër ku ju informon për riformatimin e serverit. Ekziston kjo letër?
Më 4 mars ka ardhur një shkresë në të cilën ne informohemi për një auditim që i ishte bërë sistemit të kamerave, një kompani “TIS”. Vihemi në dijeni për rezultatet e këtij auditimi. Shkresës i është bashkëngjitur edhe raporti i kompanisë. U tha që sistemi i kamerave ka qenë në punë më 21 janar, ndërkohë që ne kishim marrë një përgjigje të ndryshme nga Kryeministria më parë, që nuk ka funksionuar që nga viti 2009 dhe së dyti thuhet se është zbuluar një pamje nga një kamera tjetër. Ne na ishin përcjellë pamjet e një kamere lëvizëse mbi Kryeministri dhe me shkresën e marsit na erdhën pamjet e një kamere tjetër. Në shkresën e kompanisë, që bëri auditimin, flitet për formatim. Janë bërë dy riformatime më 21 janar, të konfirmuara edhe nga Laboratori ynë, dhe nga ai FBI-së. Shkresa e kompanisë “TIS” konfirmon formatimin e bërë në orën 12:00 të datës 21, është një formatim, i cili është pranuar edhe në deklarimin që ka bërë specialisti i IT-së në Prokurori, me qëllimin që serveri të ishte bosh në memorie dhe të mund të regjistronte sa më shumë pamje nga protesta. Këtë formatim konstaton kompania në shkesën që i bashkëngjitet asaj të Kryeministrisë në mars dhe nuk konstaton formatimin e orës 00:51 të datës 22, që është formatimi që fshin pamjet në server.
Pati një argumentim kompania pse ishte bërë ky formatim?
Kompania vetëm konstaton që është ky formatim. Laboratori ynë dhe FBI thonë që është formatim manual, vetë serveri nuk është i programuar që të bëjë riformatim automatik.
Ka një argumentim pse është bërë?
Ne themi që është bërë për të penguar zbulimin e së vërtetës dhe kemi një person që kemi kërkuar të futet në burg për këtë gjë.
Ju keni kërkuar vrasje me dashje në materialin që keni paraqitur në Gjykatë. Jeni e bindur se kanë qenë vrasje me dashje, apo ka qenë tejkalim i detyrës nga këta persona?
Derisa kemi regjistruar këtë vepër dhe kemi thënë që dyshohesh për këtë vepër, kemi bindjen se është kjo vepër. Po të kishim një tjetër bindje sot do ta…
Përse është vrasje me dashje, sipas jush?
Pse them se është vrasje me dashje. Kemi konsultuar ligjet për Gardën, ligjin për përdorimin e armëve të zjarrit. Rregulli për ata që ruajnë institucionet dhe personalitetet është që në çdo rast që tubimet e ligjshme shndërrohen në tubime të kundërligjshme, parimi është se duhet bërë minimumi i forcës. Ka një rregull, që thotë se nëse tentohet të hyhet, thotë Garda, në oborrin e Kryeministrisë personi paralajmërohet, goditet në tokë, paralajmërohet në ajër dhe pastaj goditet ai vetë nëse shikohet që ka një rrezik për institucionin. Garda është aty për të mbrojtur institucionin.
Nëse nuk e mbron dënohet që nuk e mbrojti…
Dënohet po ashtu. Ne kemi parë nga pamjet filmike dhe nga vendi ku janë gjetur viktimat, se këta individë nuk ishin duke sulmuar Kryeministrinë në atë kohë që janë goditur. Do ishte diskutim tjetër nëse do të goditej kur turma po tentonte të futej, ose kur makina po tentonte të futej.
Makina hyri në oborr…
Ne diskutojmë faktin kur individët janë jashtë dhe qëllohen. Këtu ata nuk qëllohen sepse po hyjnë për të kërcënuar Kryeministrinë, prandaj themi që kemi vrasje.
Ju thoni që komandanti i Gardës ka qëlluar 11 krisma dhe një plumb ka goditur. Ky është tejkalim i detyrës së tij?
Ne kemi thënë që ai nuk ka identifikuar person, sepse për ndryshe do të kishim vrasjen e thjeshtë. Ne kemi thënë që ai ka vrarë në mënyrë të rrezikshme për jetën e shumë personave. Është një nen, 79, germa “ë” dhe “dh”, që janë vrarë më shumë se dy persona. Kemi thënë që është qëlluar në turmë, dhe jo drejt një individi të caktuar. Edhe nëse individi dhe turma do tentonte të hynte brenda territorit, rregullorja thotë që ti duhet të identifikosh atë që është agresori i vërtetë, që përbën rrezik për institucionin.
Sipas Komisionit hetimor Parlamentar, të gjithë plumbat që janë gjetur në trupat e viktimave kanë qenë të dëmtuar, mund të ishin rikoshetë. E keni llogaritur në hetimin tuaj?
Është ngritur një pretendim i tillë për plumbin e Ziver Veizit. Nuk kam dëgjuar të tjerë për viktimat e tjera. Komisioni hetimor mbledh deklarata, nuk ka ekzaminuar provat. Për predhën në trupin e Ziver Veizit ia kemi shtruar këtë pyetje FBI-së dhe ka kthyer një përgjigje që plumbi nuk ka dëmtime të tilla që të na tregojë që ka pasur një përplasje me një send të fortë, ose siç është asfalti.
A do të jeni e paragjykuar në këtë hetim nga maxhoranca?
Maxhoranca është shprehur, nuk është çështje paragjykimi. Ajo është shprehur për një qëndrim timin që nuk e ka quajtur kushtetues.
Kryeministri ka deklaruar se ju nuk mund të hetoni dot, por jeni vetë për t’u hetuar. E keni dëgjuar këtë deklaratë? Cili është mendimi juaj?
Unë e shoh si një presion.
Për hetimin?
Për hetimin. E vetmja frikë që ndiej është frika nga ligji, si njeri dhe si prokurore. I bëj gjithmonë llogaritë me ligjin kur bëj diçka, kur marr një vendim, kur kryej një aktivitet. Përderisa nuk e kam shkelur atë, nuk kam pse të kem frikë.
Pse nuk e thërrisni zotin Rama për ta pyetur për këtë çështje?
Në qoftë se zoti Rama do të thirrej për këtë çështje, nuk do të thirret se po e kërkon zoti Rama, por do të thirret në qoftë se do të jetë një nevojë e hetuesve dhe prokurorëve që merren me këtë gjë.
Rama: Vrasjet nga Garda janë me dashje, plumbat, jo rikoshetë
“Deklaratat e Berishës janë presion mbi hetimin, por unë kam frikë vetëm nga ligji”
Kryeprokurorja e Republikës, Ina Rama, ka sqaruar dje për herë të parë hetimet e ngjarjeve të 21 janarit. E ftuar në emisionin “Opinion” të gazetarit Blendi Fevziu në TV Klan, Rama ka shpjeguar nga akuzat për kreun e Gardës e kërkesën për heqjen e imunitetit të deputetëve, deri te raportet e saj me Kryeministrin Berisha, Presidentin Topi dhe kreun e opozitës, Edi Rama.
Nuk mund t’i kryenit ju vetë hetimet për 21 janarin pa kërkuar ndihmën e FBI-së?
Ishte edhe serveri, ishte edhe rindërtimi i vendit të ngjarjes, ripastrimi i pamjeve filmike, rindërtimi në tredimensional i vendit të ngjarjes.
Ishin të pamundura të bëheshin në Shqipëri?
Disa prej tyre ishin të pamundura të bëheshin në Shqipëri. Siç është rindërtimi në tredimensional, që ende nuk kemi marrë një përgjigje, ose nevoja për të pastruar pamjet filmike, që është e pamundur në Shqipëri. Në Shqipëri kemi një laborator të Policisë Shkencore, i cili është në varësinë e Ministrisë së Brendshme, që bëri ekzaminimet balistike, por që nuk na dhanë përgjigje për të gjitha pyetjet që ne kishim shkruar. Ne mund ta bënim vetë një pjesë, por nuk mund t’i bënim dot vetë të gjitha. Ishin dy arsyet që kërkuam ekspertizë. E para, për një nivel të lartë profesional, që laboratori i FBI-së i ka. Dhe e dyta, për një çështje kredibiliteti në situatën që u krijua në atë kohë.
Pse nuk e keni filluar hetimin për tre deputetët e PS-së ose për organizatorët e tjerë?
I gjithë hetimi për këtë ngjarje iu ngarkua policisë, me urdhra verbalë dhe formalë.
Deputetët mund t’i thërriste për t’i pyetur policia dhe kush do të kërkonte heqjen e imunitetit të tyre, qoftë për t’i pyetur?
Ne kërkuam imunitetin për t’i pyetur, se nuk i pyesnim dot as ne, Policia e Shtetit jo e jo. Policia pati gjithë kohën në dispozicion, gjithë atributet për të bërë çdo veprim që e çmonte të arsyeshme dhe të propozonte çdo lloj konkluzioni për akuza formale ndaj deputetëve, ndaj kryetarit të PS-së, ndaj organizatorëve, ndaj kujtdo, në bazë të provave që kishte mbledhur. Janë bërë takime periodike çdo të hënë në orën 10:00.
Është pirë kafe?
Jo, jo. Janë bërë takime pune. Në muajin korrik policia sugjeroi pezullimin e hetimeve duke analizuar gjithçka ka bërë. Është një relacion goxha i plotë. Arsyetoi dhe tha se nuk arriti dot t’i identifikojë organizatorët. Ky material u përcoll nga drejtori i Policisë së Tiranës në Prokurori dhe ne, për të garantuar një hetim gjithëpërfshirës, siç e kishim premtuar, i themi Policisë: “Jo, ju duhet të vazhdoni të bëni hetime të tjera”. Nga kjo kohë kanë vazhduar sërish këto takimet e të hënave në orën 10:00 deri në javën e fundit të dhjetorit, në pritje të fakteve që do të prezantoheshin atje. Nuk patëm një konkluzion nga Policia për këtë gjë. Edhe sot nuk kemi as këta tre deputetë që ne u kemi vënë gishtin, dhe kjo është zyrtare.
Atëherë pse kërkoni heqjen e imunitetit të tre deputetëve kur nuk figurojnë?
Jo s’figurojnë, por nuk ka sjellë Policia gjë.
Po kur Policia nuk ka asnjë provë ndaj tyre, pse hiqet imuniteti, për balancë politike?
Jo, prokurori është përgjegjës për hetimin. Ne çmuam se për kaq sa kemi bërë dhe kaq aktivitet sa ka bërë Policia, nuk arrijmë dot të ngremë akuza. Na duhet të bëjmë edhe veprime të tjera për të cilat kemi nevojë të heqim imunitetin, dhe duhet t’u heqim imunitetin atyre individëve për të cilët kemi të dhëna se mund të kenë qenë organizatorë. Identifikuam ata tre deputetë që shkuan në Parlament.
Pse u bë në këtë moment?
Gjithë kohën pritëm konkluzionet e Policisë dhe nuk erdhën. Ndërkohë erdhën përgjigjet e laboratorit të FBI-së dhe ne ishim gati të konkludonim për aspektin e vrasjeve dhe në shqyrtim morëm gjithë hetimin, sepse kemi thënë që do të bëjmë një hetim gjithëpërfshirës.
Pse u kërkua ndalimi i gjithë zinxhirit komandues të Gardës kur opozita kishte paralajmëruar protesta të tjera dhe që askush nuk e dinte nëse do të ishin të dhunshme apo paqësore?
Këta gjashtë emra nuk janë zinxhiri komandues i Gardës, sepse Garda ka një komandant, ka zv.komandant, ka shefin e Shtabit, ka vetë Shtabin, ka Drejtorinë e Ruajtjes së Personaliteteve të larta shtetërore dhe pastaj vijnë njësitë që ruajnë godinat dhe rezidencat, drejtues të të cilëve ishin këta individë që ne nxorëm urdhër ndalimi përpos një drejtuesi të njësisë speciale. Garda i kishte të gjithë të tjerët në funksion. Duke parë rregulloren, mendoj se Garda e ka pasur komandën në punë. Më 21 janar pati vrasje, ishin tri viktima dhe një i plagosur rëndë që ndërroi jetën më pas, kishim shumë të plagosur dhe shumë policë të dëmtuar, përveç skenave që pamë…
Që i quajtët ngjarje në bulevard?
Ai është vendi i ngjarjes dhe ai është term ligjor.
Jo sulm ndaj selisë së Këshillit të Ministrave?
Nëse unë do them se ku ndodhi ajo ngjarje, do të them bulevardin “Dëshmorët e Kombit”, nuk mund të them pranë godinës së Kryeministrisë. Ajo është rruga. Nëse do them që u vra një person në rrugën “Ali Demi”, do të them rrugën.
Po kur një makinë godet portën e Kryeministrisë?
Është term ligjor. Më është dukur e pashpjegueshme pse duhej lidhur kaq shumë pas këtij termi. E kemi thënë në bulevard sepse në bulevard ndodhi ngjarja. Për ne prokurorët, nëse do të përshkruajmë vendin e ngjarjes, do të themi që ndodhi në bulevardin “Dëshmorët e Kombit”, jo në bulevardin “Zogu i Parë”. Ajo është rruga, buzë saj është selia e Kryeministrisë, është Kryesia e Kuvendit, është pranë Rognerit. Patëm pamjet filmike që u transmetuan, plumbat vinin nga brenda territorit. Ishte mbaruar këqyrja e vendit të ngjarjes në pjesën jashtë territorit të Kryeministrisë dhe nuk ishte gjetur aty asnjë gëzhojë, që do të thotë se nuk ishin përdorur armë nga demonstruesit, se po të ishin përdorur, gëzhojat bien aty ku përdoret arma. Kishim viktima, kishim deklaratën e një mjeku që tha se viktimat duket se janë goditur me puqitje. Prokurorët konstatuan ushtarë të Gardës duke mbledhur gëzhoja. Konstatuam një refuzim të Gardës për të bashkëpunuar në atë kohë.
Të gjitha dyshimet të çonin te Garda, sepse nga pamjet, i tillë ishte perceptimi. Pamë që kishte një tendencë për të manipuluar hetimin. Patë refuzimin, pamë ushtarët që mblidhnin gëzhojat nga vendi i ngjarjes. Arsyetimi që bëmë ishte i tillë: Kush ka qenë nga Garda në territorin e Kryeministrisë atë ditë? Patëm në dorë planin e masave të miratuar nga komandanti dhe pamë që këta individë për të cilët nxorëm urdhër-ndalimin, ishin në krye të njësive që ishin dislokuar në Kryeministri.
Ne nuk dinim cila nga këto njësi kishte të drejtë apo detyrë të përdorte armë, nuk dinim cila ndodhej në pjesën veriore dhe jugore të godinës, por ama, pamë që këta ishin individët që kishin marrë përsipër të kontrollonin situatën në Kryeministri atë ditë. Duke pasur dyshime që plumbat kishin ardhur nga Garda, duke pasur dyshime që procesi filloi të manipulohej, ne e pamë të arsyeshme të pyesnim dhe të siguronim pyetjen e të gjashtë komandantëve nëpërmjet urdhrave të ndalimit, pa u lënë atyre mundësinë të përpunonin një strategji të deklarimeve që do të bënin, në mënyrë që të përfitonim një rrëfim origjinal që do na vlente për hetimin.
A kishte të drejtë maxhoranca të ishte skeptike ndaj jush në momentin që një bisedë e Hysni Burgajt me ju u referua pas dy orësh në një konferencë shtypi nga Edi Rama?
Urdhrat e ndalimit janë dorëzuar në Polici në orën 6 të mëngjesit atë ditë. Në orën 7 të mëngjesit, drejtori i kabinetit të Burgajt telefonoi një nga zv.prokurorët e Tiranës dhe ka thënë se “urdhrat e ndalimit që keni sjellë nuk do të ekzekutohen sepse në to ka një lapsus”. Lapsusi lidhej me faktin se në brendinë e urdhrave përmendej i njëjti emër, ndërkohë që urdhrat ishin destinuar për individë të ndryshëm. Diskutimi për faktin që urdhrat nuk po ekzekutoheshin është bërë deri në kohën që unë kam folur me Burgajn. Prokurorët insistonin që ky lapsus nuk është fondamental dhe nuk e bën të ekzekutueshëm urdhrin. Fakti që u diskutua kaq gjatë për një urdhër dhe fakti që nuk di rast tjetër kur urdhrat e prokurorit nuk ekzekutohen, ishte një ngjarje e jashtëzakonshme në Prokurori dhe ka jehonë. Kjo çështje lë gjurmë dhe ka jehonë. Disa kohë më pas ka dalë Rama dhe e ka përmendur këtë. Ka qenë një çështje që është diskutuar gjithë ditën në Prokurori dhe Polici. Fjala lapsus është përmendur që në mëngjes.
A keni folur ju atë ditë me zotin Rama?
Me zotin Rama nuk kam folur as atë ditë në telefon dhe asnjëherë në jetën time. Nuk kam asnjëherë asnjë bisedë telefonike me zotin Rama.
A keni folur atë ditë me Topin dhe a ka insistuar ai për të hetuar në drejtim të arrestimit të Gardës dhe më pas organizatorët?
Unë kam komunikuar me Presidentin ditën që ndodhi ngjarja, kam komunikuar dhe ditët në vazhdim. Nuk ka qenë një komunikim aq i shpeshtë sa ju mendoni, ka qenë një komunikim informues. E kam informuar për të dhënat që ne kishim nga hetimi, për gjërat thelbësore, siç kam komunikuar me drejtorin e Policisë dhe me Ministrin e Brendshëm. Nuk kam pasur asnjë insistim nga zoti Topi, përveç orientimit që kjo punë do përgjegjësi, do kushtuar vëmendje dhe do një maksimum përkushtimi nga ana e Prokurorisë. I kam thënë që e gjithë struktura jonë është në punë, të gjithë jemi të organizuar.
FBI konstatoi se serveri ishte formatuar, apo e konstatuat ju?
U konstatua fillimisht nga Laboratori Shkencor shqiptar. Ne e dërguam në SHBA me shpresën që mund të rikuperohej ajo që ishte fshirë. Pamjet do të konsideroheshin shumë të vlefshme për hetimin, se do të ishin të vetmet pamje nga brenda, të gjitha i kemi nga përballë Kryeministrisë.
Nuk u rikuperuan dot?
Nuk u rikuperuan dot. U konfirmua ajo që kish bërë laboratori ynë.
Kryeministria është shprehur se në muajin mars ju ka dërguar një letër ku ju informon për riformatimin e serverit. Ekziston kjo letër?
Më 4 mars ka ardhur një shkresë në të cilën ne informohemi për një auditim që i ishte bërë sistemit të kamerave, një kompani “TIS”. Vihemi në dijeni për rezultatet e këtij auditimi. Shkresës i është bashkëngjitur edhe raporti i kompanisë. U tha që sistemi i kamerave ka qenë në punë më 21 janar, ndërkohë që ne kishim marrë një përgjigje të ndryshme nga Kryeministria më parë, që nuk ka funksionuar që nga viti 2009 dhe së dyti thuhet se është zbuluar një pamje nga një kamera tjetër. Ne na ishin përcjellë pamjet e një kamere lëvizëse mbi Kryeministri dhe me shkresën e marsit na erdhën pamjet e një kamere tjetër. Në shkresën e kompanisë, që bëri auditimin, flitet për formatim. Janë bërë dy riformatime më 21 janar, të konfirmuara edhe nga Laboratori ynë, dhe nga ai FBI-së. Shkresa e kompanisë “TIS” konfirmon formatimin e bërë në orën 12:00 të datës 21, është një formatim, i cili është pranuar edhe në deklarimin që ka bërë specialisti i IT-së në Prokurori, me qëllimin që serveri të ishte bosh në memorie dhe të mund të regjistronte sa më shumë pamje nga protesta. Këtë formatim konstaton kompania në shkesën që i bashkëngjitet asaj të Kryeministrisë në mars dhe nuk konstaton formatimin e orës 00:51 të datës 22, që është formatimi që fshin pamjet në server.
Pati një argumentim kompania pse ishte bërë ky formatim?
Kompania vetëm konstaton që është ky formatim. Laboratori ynë dhe FBI thonë që është formatim manual, vetë serveri nuk është i programuar që të bëjë riformatim automatik.
Ka një argumentim pse është bërë?
Ne themi që është bërë për të penguar zbulimin e së vërtetës dhe kemi një person që kemi kërkuar të futet në burg për këtë gjë.
Ju keni kërkuar vrasje me dashje në materialin që keni paraqitur në Gjykatë. Jeni e bindur se kanë qenë vrasje me dashje, apo ka qenë tejkalim i detyrës nga këta persona?
Derisa kemi regjistruar këtë vepër dhe kemi thënë që dyshohesh për këtë vepër, kemi bindjen se është kjo vepër. Po të kishim një tjetër bindje sot do ta…
Përse është vrasje me dashje, sipas jush?
Pse them se është vrasje me dashje. Kemi konsultuar ligjet për Gardën, ligjin për përdorimin e armëve të zjarrit. Rregulli për ata që ruajnë institucionet dhe personalitetet është që në çdo rast që tubimet e ligjshme shndërrohen në tubime të kundërligjshme, parimi është se duhet bërë minimumi i forcës. Ka një rregull, që thotë se nëse tentohet të hyhet, thotë Garda, në oborrin e Kryeministrisë personi paralajmërohet, goditet në tokë, paralajmërohet në ajër dhe pastaj goditet ai vetë nëse shikohet që ka një rrezik për institucionin. Garda është aty për të mbrojtur institucionin.
Nëse nuk e mbron dënohet që nuk e mbrojti…
Dënohet po ashtu. Ne kemi parë nga pamjet filmike dhe nga vendi ku janë gjetur viktimat, se këta individë nuk ishin duke sulmuar Kryeministrinë në atë kohë që janë goditur. Do ishte diskutim tjetër nëse do të goditej kur turma po tentonte të futej, ose kur makina po tentonte të futej.
Makina hyri në oborr…
Ne diskutojmë faktin kur individët janë jashtë dhe qëllohen. Këtu ata nuk qëllohen sepse po hyjnë për të kërcënuar Kryeministrinë, prandaj themi që kemi vrasje.
Ju thoni që komandanti i Gardës ka qëlluar 11 krisma dhe një plumb ka goditur. Ky është tejkalim i detyrës së tij?
Ne kemi thënë që ai nuk ka identifikuar person, sepse për ndryshe do të kishim vrasjen e thjeshtë. Ne kemi thënë që ai ka vrarë në mënyrë të rrezikshme për jetën e shumë personave. Është një nen, 79, germa “ë” dhe “dh”, që janë vrarë më shumë se dy persona. Kemi thënë që është qëlluar në turmë, dhe jo drejt një individi të caktuar. Edhe nëse individi dhe turma do tentonte të hynte brenda territorit, rregullorja thotë që ti duhet të identifikosh atë që është agresori i vërtetë, që përbën rrezik për institucionin.
Sipas Komisionit hetimor Parlamentar, të gjithë plumbat që janë gjetur në trupat e viktimave kanë qenë të dëmtuar, mund të ishin rikoshetë. E keni llogaritur në hetimin tuaj?
Është ngritur një pretendim i tillë për plumbin e Ziver Veizit. Nuk kam dëgjuar të tjerë për viktimat e tjera. Komisioni hetimor mbledh deklarata, nuk ka ekzaminuar provat. Për predhën në trupin e Ziver Veizit ia kemi shtruar këtë pyetje FBI-së dhe ka kthyer një përgjigje që plumbi nuk ka dëmtime të tilla që të na tregojë që ka pasur një përplasje me një send të fortë, ose siç është asfalti.
A do të jeni e paragjykuar në këtë hetim nga maxhoranca?
Maxhoranca është shprehur, nuk është çështje paragjykimi. Ajo është shprehur për një qëndrim timin që nuk e ka quajtur kushtetues.
Kryeministri ka deklaruar se ju nuk mund të hetoni dot, por jeni vetë për t’u hetuar. E keni dëgjuar këtë deklaratë? Cili është mendimi juaj?
Unë e shoh si një presion.
Për hetimin?
Për hetimin. E vetmja frikë që ndiej është frika nga ligji, si njeri dhe si prokurore. I bëj gjithmonë llogaritë me ligjin kur bëj diçka, kur marr një vendim, kur kryej një aktivitet. Përderisa nuk e kam shkelur atë, nuk kam pse të kem frikë.
Pse nuk e thërrisni zotin Rama për ta pyetur për këtë çështje?
Në qoftë se zoti Rama do të thirrej për këtë çështje, nuk do të thirret se po e kërkon zoti Rama, por do të thirret në qoftë se do të jetë një nevojë e hetuesve dhe prokurorëve që merren me këtë gjë.
