Kuvendi ka nisur shqyrtimin e kërkesës së grupit parlamentar të Partisë Demokratike për shkarkimin nënkryetarit të Këshillit të Lartë të Drejtësisë, Kreshnik Spahiu. Gjatë punimeve të paradites, deputetët demokratë dhe socialistë kanë mbajtur fjalën e tyre duke shprehur edhe qëndrimet tashmë të njohura lidhur me këtë nismë, që ka shkaktuar debate të ashpra pak ditë më parë në Komisionin e Ligjeve, ku kujtojmë se nënkryetari i KLD-së Spahiu u largua nga salla me urdhër të kryetarit të Komisionit Ilir Rusmali. I pari që mori fjalën ishte deputeti demokrat Viktor Gumi, i cili paraqiti para deputetëve arsyet e kërkesës, duke u kërkuar atyre të votojne projektvendimin që parasheh ngritjen e një komisioni hetimor.
"33 deputetët demokratë në kërkesën e tyre kanë parashtruar veç të tjerash edhe shkeljet e bera nga Spahiu", tha Gumi.
Ndërkohë Fatmir Xhafaj, në emër të grupit parlamentar të Partisë Socialiste deklaroi menjëherë votën kundër krijimit të këtij komisioni hetimor, jo për shkak se PS është në mbrojtje te Spahiut, por se praktika e ngritjes së një komisioni bie ndesh me ligjin.
"Kjo është një nismë e cenueshme në frymën kushtetuese. Kërkesa dhe mënyra se si është hartuar, është një gjë e sforcuar dhe nuk është në përmbushje të kritereve të Kushtetutës", tha tha Xhafaj. Por sipas tij, më e rëndësishme dhe më problematike për kampin demokrat është e ardhmja politike e nënkryetarit dhe kryetarit të KLD-së. "Ju trembeni për të ardhmen e tyre politike, por nuk do të arrini të ruani vota duke prerë koka", tha Xhafaj.
"33 deputetët demokratë në kërkesën e tyre kanë parashtruar veç të tjerash edhe shkeljet e bera nga Spahiu", tha Gumi.
Ndërkohë Fatmir Xhafaj, në emër të grupit parlamentar të Partisë Socialiste deklaroi menjëherë votën kundër krijimit të këtij komisioni hetimor, jo për shkak se PS është në mbrojtje te Spahiut, por se praktika e ngritjes së një komisioni bie ndesh me ligjin.
"Kjo është një nismë e cenueshme në frymën kushtetuese. Kërkesa dhe mënyra se si është hartuar, është një gjë e sforcuar dhe nuk është në përmbushje të kritereve të Kushtetutës", tha tha Xhafaj. Por sipas tij, më e rëndësishme dhe më problematike për kampin demokrat është e ardhmja politike e nënkryetarit dhe kryetarit të KLD-së. "Ju trembeni për të ardhmen e tyre politike, por nuk do të arrini të ruani vota duke prerë koka", tha Xhafaj.
