Kriza greke protesta ne Athine

Kriza greke sillet sërish në qëndër të vëmëndjes, pasi ditën e sotme, rreth 10.000 njerëz morën pjesë në protestat në qendër të Athinës, lidhur me shkurtimet e mundshme në sektorin privat. Zyrtarë nga Bashkimi Europian, nga Banka Qëndrore Evropiane dhe Fondi Monetar Ndërkombëtar, presin që ta shtyjnë qeverinë drejt reformave më të shpejta, me kosto më të ulët. Nga kjo grevë e përgjithshme është ndërprerë dhe transporti publik, sikundër dhe shërbimet e tjera. Në këtë protestë nuk kanë munguar dhe shenjat e dhunës, kjo dhe kundrejt një oficeri nga njësia e anti-terrorizmit. Ai është rrahur dhe plagosur rëndë, nga një grup prej rreth 30 protestuesish.