Kristiano Ronaldo është gati për një nga ndeshjet më të rëndësishme të Realit të Madridit këtë sezon. Pasi ka munguar në disa ndeshje, portugezi është stërvitur me shokët e ekipit dhe pritet që të zbresë që na minuta e parë në fushë në gjysëmfinalen e Ligës së Kampioneve kundër Bajernit të Mynihut.
Për të qenë sa më në formë, Ronaldo është stërvitur vetëm edhe gjatë festës së Pashkës, ndërkohë që shokët e tij e kishin pushim, pas vendimit të trajnerit Karlo Ançeloti. Ky i fundit ka lajme të mira edhe nga Marselo dhe Serxhio Ramos, që gjithashtu janë stërvitur me ekipin.
Por, shqetësuese është gjendja e Garet Bejl. Uellsiani ka qenë me temperaturë dhe nuk është stërvitur me ekipin. Megjithatë, ai pritet të jetë gati për ndeshjen e së mërkurës, me përjashtim të ndonjë përkeqësimi të mundshëm të shëndetit të tij. Për të qenë më të sigurtë për pjesmarrjen e Bejl në ndeshjen kundër Bajernit, duhen pritur 24 orë.