E Enjte, 19 nëntor 2026
Shqiperia.comPortali shqiptar
Sporti

Zyrtare: Karlo An?eloti eshte trajneri i Real Madrid

Në këtë seksion: Sporti · 8 artikuj ↓
Zyrtare: Karlo An?eloti eshte trajneri i Real Madrid

Real Madrid më në fund ka trajnerin e ri, pasi ka zyrtarizuar italianin Karlo Ançeloti në pankinën e kësaj skuadre për tre sezonet e ardhshme. Skuadra spanjolle ndiqte prej kohësh italianin dhe lajmërimi ishte i pritshëm që në fundjavë.

Vonesa ka ardhur nga fakti se PSZH, ku gjendej italiani, nuk kishte siguruar ende firmën e Loran Blank për pankinën e vet dhe vetëm pasi ka arritur të nënshkruajë me francezin, ka lejuar Ançelotin të transferohet në radhët e madrilenëve.

Ançeloti kishte gjetur prej kohësh akordin me skuadrën spanjolle, ndaj ka udhëzuar menjëherë klubin të cilësojë të mbaruar kalimin e tij në drejtimin e kësaj skuadre.

Sipas njoftimit zyrtar të lëshuar nga Real Madrid pak pas mesditës, Ançeloti ka nënshkruar një kontratë trevjeçare, deri në fundin e qershorit 2016, ndërsa që nesër do të jetë i pranishëm në “Santiago Bernabeu” për t’u prezantuar para mediave.

Trajnerin italian e pret një punë e madhe në drejtimin e spanjollëve, pasi duhet të përgatitë “revolucionin” e detyrueshëm te kjo skuadër që cila mbyllin sezonin e fundit pa asnjë trofe.