WADA nuk bën lëshime për dopingun dhe Sharapovën
Në këtë seksion: Sporti · 8 artikuj ↓
Nuk do të ketë asnjë ulje dënimi për Maria Sharapovën, e cila rezultoi pozitive në testet e antidopingut.
Pas lajmërimit të bujshëm që bëri vetë tenistja ruse, WADA (Agjencia Ndërkombëtare e Anti-Doopingut), e cila u mblodh gjatë ditës së djeshme në Londër, ka bërë me dije se edhe për Sharapovën do të ketë një dënim maksimal.
Kreg Redi, presidenti i WADA-s, gjatë një interviste për mediat u shpreh:
"Meldoniumi ka hyrë në listën e substancave të ndaluara pasi është në gjendje të përmirësojë rendimentin e sportistëve në fushë. Nuk kam asnjë simpati të veçantë për Sharapovën, e kisha në të kaluarën. Ajo ka qëndruar gjatë në elitën e tenistit, por tani duhet të skualifikohet".