Skënderbeu likuidon Vllazninë, shkëputet +6 nga Partizani (VIDEO)
Në këtë seksion: Sporti · 8 artikuj ↓
Skëndereu e ka shfrytëzuar në mënyrën me të mirë të mundshme ndalesën e Partizanit në Laç. Bardhekuqtë kanë fituar sot në shtëpi ndaj Vllaznisë 2-1 duke e thelluar në 6 pikë diferencën me ndjeksit nga kryeqyteti.
Ndeshja e sotme e luajtur në Korçë ka qenë një sfidë mjaft e bukur dhe e lugtuar natyrisht që vendasit kanë qenë dominues dhe në fund janë shpërblyer me 3 pikë të arta.
Vllaznia nga ana tjetër edhe pse me mungesa, ka bërë një lojë dinjitoze, madje duke trembur korçarët në fundin e ndeshjes pas golit të Shtubinës.
Takimi nisi me korçarët përpara. Renatinjo që kishte zënë vendin e Salihit bën mjaft mirë dëtyrën që i ishte ngarkuar dhe në minutën e 14 i jep avahtazhin Skënderbeut pas një asisti perfekt të Latifit. Pjesa e parë mbyllet në shifrat 1-0.
Në pjesën e dytë është sërish Skënderbeu që sulmon dhe gjen edhe golin e dytë me Latifin. Kosovari me golin e realizuar konfirmohet si një nga më të mirët e ketij takimi.
Megjithatë Vllaznia nuk dorëzohet dhe ngushton diferencat me Shtubinën. Goli i shkodranit shërbeu sa për statistikë pasi ndeshje u mbyll në shifrat 2-1. Skëndebeu ngjitet në kuotën e 66 pikëve, ndërsa Vllaznia mbetet në vendin e 7 me 29 pikë.
Supergol nga Ndricim Shtubina:
Goli i Latifit:
Goli i Renatinjos:
Skënderbeu - Vllaznia 2-1
Golat: Renatinjo 14´ Latifi 65'/ Shtubina 70´
Skënderbeu: Shehi, Vangjeli, Radas, Jashanica, Arapi, Progni, Lilaj, Orelesi, Latifi, Renatinjo, Xhejms Trajner: Mirel Josa
Vllaznia: Dragojeviç, Pjeshka, Cicmil, Marku, Hakaj, Krymi, Tafili, Sefa, Dyca, Çinari, Shtubina Trajner: Armando Cungu