e mërkurë, 18 nëntor 2026
Shqiperia.comPortali shqiptar
Sporti

Riberi: E meritoj 'Topin e Arte', pasi punoj me shume ne fushe se Mesi dhe Ronaldo

Në këtë seksion: Sporti · 8 artikuj ↓
Riberi: E meritoj 'Topin e Arte', pasi punoj me shume ne fushe se Mesi dhe Ronaldo

Francezi Frenk Riberi mendon se e meriton fitimin e “Topit të Artë”. Mesfushori i Bajernit të Mynihut është një prej pretendentëve kryesorë, së bashku me të zakonshmit Lionel Mesi dhe Kristiano Ronaldo. Por, francezi e vlerëson veten më shumë se dy rivalët e tij, duke thënë se punon më shumë në fushë dhe jep më shumë asiste.

“Krahësuar me ata të dy, unë punoj shumë më tepër në fushë. Punoj shumë më tepër se Mesi dhe Ronaldo në mbrojtje dhe jap më shumë asiste”, ka thënë mesfushori francez.

“Do të ishte fantastike nëse e fitoj “Topin e Artë”. Kam shumë më tepër besim se më parë tek vetja dhe kjo gjë shihet edhe në fushë. Jam në kulmin e formës sime dhe do të shënoj shumë gola. Sinqerisht jam duke shikuar çdo ndeshje”, ka thënë mesfushori i Bajernit.

Riberi bëri një sezon të shkëlqyer vitin e kaluar dhe e ka nisur njësoj edhe këtë sezon, duke treguar se është lojtari kryesor tek Bajern Mynih dhe një prej më të mirëve në botë për momentin, për të mos thënë më i miri.