Reali mposht 7-1 Selta Vigon, Ronaldo poker golash (VIDEO)
Në këtë seksion: Sporti · 8 artikuj ↓
Reali i Madritid ka shënuar një fitore të thellë pasditen e së shtunës ndaj Selta Vigos me rezultatin 7-1. Serinë e golave e hapi Pepe në minutën e 41´ të pjesës së parë, por futbollisti që shkëlqeu në këtë ndeshje ishte Kristiano Ronaldo.
Portugezi ishte i pandalshëm në këtë sfidë duke shënuar katër herë. Goli i parë i tij u realizua në minutën e 50´ të pjesës së dytë.
Ronaldo trefishoi rezultatin në minutën e 58´, ndërsa dy golat e tjerë të tij në minutat 65´ dhe 76´ çuan rezultatin në 5-1.
Rezultati 7-1 u vulos nga dy golat e tjerë nga Rodriguez dhe Bele. Aktualisht, Reali i Madritid ndodhet në kuotën e 60 pikëve në vendin e tretë, 9 pik larg Barcelonës në krye të La Ligës.
