Pronari i Paris Saint-Germain, Nasser Al-Khelaifi është shprehur se klubi i tij ka fuqi të mjaftueshme financiare për të transferuar dy futbollistët më të mirë në botë, Cristiano Ronaldo e Lionel Messi.
“PSG i ka mundësitë për të transferuar Ronaldon dhe Messin. Në klubin tonë gjithçka është e mundur”, deklaroi Al-Khelaifi gjatë një interviste për “BBC Sport”.
Nëse kjo është e vërtetë, PSG duhet të paguajë mbi 500 milionë euro për të blerë portugezin e argjentinasin. Një shifër që do të ishte kundër çdo rregulli të "Fair Play Financiar".