'Presidenti', Nano: Procesi i zgjedhjes, i turpshem
Në këtë seksion: Aktualitet · 8 artikuj ↓
Kandidati i vetëshpallur për President, Fatos Nano, e ka cilësuar procesin e zgjedhjes së kreut të ri të shtetit, si të turpshëm. Sipas tij kaosi total që po shkaktojnë Kryetarët e Partive, për shkak të llogarive e axhendave të tyre të ngushta partiake, po vënë një rrezik të madh për fatet e vendit dhe të integrimit europian. Pas tërheqjes nga gara të kandidatit të mazhorancës, Artan Hoxha, lideri historik i së majtës i ka bërë thirrje Partisë Socialiste të futen bashkë në garën për presidentin e ri të Republikës, për të fituar.
“Turp dhe vetëm turp mund të konsiderohet gjithçka po ndodh me procesin e zgjedhjes së Presidentit.
Turp sepse ka arratisje nga serioziteti.
Turp sepse ka arratisje nga përgjegjshmëria.
Turp sepse ka arratisje nga integrimi.
Turp sepse ka arratisje nga Europa.
Turp sepse ka arratisje nga gara e lirë dhe e ndershme.
Turp sepse ka arratisje nga konsensusi.
Turp sepse ka arratisje fatale nga atdhedashuria.
Ky është momenti, kjo është dita që përtej dështimit të derisotëm, Kryetarët e Partive, gjithsesi të ngrihen përmbi honet e llogarive të ngushta politike partiake që fundosin Shqipërinë, dhe të lartësohen me përgjegjshmëri të lartë kombëtare në nivelin e parimeve të atdhedashurisë për ta ngritur Shqipërinë në meritën e vlerën që i takon si një vend Europian. Fatos Nano ka deklaruar e ripërsërit se mbetet i vetëofruar për klasën politike shqiptare dhe publikun shqiptar për të pasur mundësinë për të synuar konsensusin, ose për të garuar e për ta fituar këtë garë.
Fatos Nano i bën thirrje Partisë Socialiste që të ngrihet në lartësinë që kërkon momenti, e të mos i shmanget e as druhet garës. Fatos Nano i bën thirrje Partisë Socialiste që së bashku me Fatos Nanon duke bashkuar traditën, historinë, vlerat më të mira të Partisë Socialiste në këto 22 vite, ta fitojmë këtë garë bashkë, bashkë, bashkë. Fitorja e përbashkët e sotme le të jetë parathënie e hyrjes në historinë fituese të mëtutejme për Partinë Socialiste, për të gjithë shqiptarët, për Shqipërinë. Së bashku të bëjmë fituese Shqipërinë”, thuhet në deklaratën për shtyp të “Lëvizja Nano për President”.
“Turp dhe vetëm turp mund të konsiderohet gjithçka po ndodh me procesin e zgjedhjes së Presidentit.
Turp sepse ka arratisje nga serioziteti.
Turp sepse ka arratisje nga përgjegjshmëria.
Turp sepse ka arratisje nga integrimi.
Turp sepse ka arratisje nga Europa.
Turp sepse ka arratisje nga gara e lirë dhe e ndershme.
Turp sepse ka arratisje nga konsensusi.
Turp sepse ka arratisje fatale nga atdhedashuria.
Ky është momenti, kjo është dita që përtej dështimit të derisotëm, Kryetarët e Partive, gjithsesi të ngrihen përmbi honet e llogarive të ngushta politike partiake që fundosin Shqipërinë, dhe të lartësohen me përgjegjshmëri të lartë kombëtare në nivelin e parimeve të atdhedashurisë për ta ngritur Shqipërinë në meritën e vlerën që i takon si një vend Europian. Fatos Nano ka deklaruar e ripërsërit se mbetet i vetëofruar për klasën politike shqiptare dhe publikun shqiptar për të pasur mundësinë për të synuar konsensusin, ose për të garuar e për ta fituar këtë garë.
Fatos Nano i bën thirrje Partisë Socialiste që të ngrihet në lartësinë që kërkon momenti, e të mos i shmanget e as druhet garës. Fatos Nano i bën thirrje Partisë Socialiste që së bashku me Fatos Nanon duke bashkuar traditën, historinë, vlerat më të mira të Partisë Socialiste në këto 22 vite, ta fitojmë këtë garë bashkë, bashkë, bashkë. Fitorja e përbashkët e sotme le të jetë parathënie e hyrjes në historinë fituese të mëtutejme për Partinë Socialiste, për të gjithë shqiptarët, për Shqipërinë. Së bashku të bëjmë fituese Shqipërinë”, thuhet në deklaratën për shtyp të “Lëvizja Nano për President”.