e mërkurë, 18 nëntor 2026
Shqiperia.comPortali shqiptar
Sporti

Pesë humbje radhazi, Byzhyti: Rikthehemi kundër Shkumbinit

Në këtë seksion: Sporti · 8 artikuj ↓
Pesë humbje radhazi, Byzhyti: Rikthehemi kundër Shkumbinit

Pas pesë humbjeve radhazi, Lushnja pret të rikthehet te fitorja këtë javë, kur në stadiumin "Roza Haxhiu" do të luajë kundër Shkumbinit. lushnja-luftetariAlban Byzhyti, një nga futbollistët kryesorë të lushnjarëve, në një prononcim për "Panorama Sport" është shprehur se Lushnja ka projektuar gjashtë pikë për dy ndeshjet e një- pasnjëshme me Shkumbinin dhe Turbinën.

"Ekipi, duke filluar që sot (dje), po përgatit një ndeshje të rëndësishme. Alternativa jonë e vetme është fitorja. Është e padiskutueshme që Lushnja do të kërkojë tri pikët. Madje, duke i marrë gjërat me radhë, në synojmë gjashtë pikë në dy ndeshje radhazi që kemi në shtëpi", u shpreh fillimisht qendërmbrojtësi lushnjar, i cili në muajin e ardhshëm do të mbushë 33 vjeç. Kur duhen edhe tre takime për të mbyllur fazën e dytë të kampionatit, lushnjarët kërkojnë të ruajnë vendin e pestë në tabelë për të pasur një kalendar të favorshëm për fazën e tretë.

"Ekipi synon mesin e artë të renditjes dhe për këtë duhen minimalisht shtatë pikë. Jemi të përqendruar te ndeshja me Shkumbinin për të marrë tri pikët. Jam i bindur që do të jemi në pesëshen e parë duke pasur dhe një kalendar të favorshëm për fazën e tretë, që t'u japim një mundësi edhe lojtarëve të rinj që të luajnë dhe të tregojnë vlerat e tyre", përfundoi Byzhyti, i cili prej disa vitesh është një prej lojtarëve të rëndësishëm të skuadrës lushnjare. Më parë lojtari polivalent ka luajtur për Shkumbinin dhe Tomorin.

Përgatiti: Alban Alushi