Partizani-Skënderbeu 1-1, Vangjeli barazon shifrat (VIDEO)
Në këtë seksion: Sporti · 8 artikuj ↓
Ka përfunduar dhe takimi i fundit për javën e 26-të të Superiores mes Partizanit dhe Skënderbeut. Nuk ka fitues në "Qemal Stafa", supersfida për titullin është mbyller me rezultatin e barabartë 1-1.
PARTIZANI- SKENDERBEU 1-1
Golat: Raçiç 20'/ Vangjeli 89´
Formacionet zyrtare
Partizani: Hoxha, Fejzullahu, Atanda, Bicaj, Kalari, Filipe, Batha,Trashi, Vila, Torasa, Raçiç
Trajner: Andrea Agostineli
Skënderbeu: Shehi, Vangjeli, Radas, Osmani, Arapi, Latifi, Lilaj,Orelesi, Abazi, Xhejms, Salihi
Trajner: Mirel Josa
Pjesa e parë- 45 minuta të luftuara nga të dy ekipet, ndalesa dhe dëmtime dhe një gol i shënuar. Vendasit e nisin mjaft mirë takimin, duke fituar disa goditje të lira ndërsa vendosin në rrezik dy herë portën e Shehit me anë të serbit Raçiç, i cili të dytën herë finalizon me sukses.
Të kuqtë zhvillojnë një pjesë të parë pothuajse përfekte ku arrijnë dhe të marrin avantazhin në minutën e 20´ . Është Torasa që kroson për sulmuesin shtatlartë të vendasve që ndodhet në zonë ku përballë Shehit gjuan fuqishëm realizon. Gardianit të korçarëve i shpëton topi nga dora dhe përfundon në rrjetë, duke dalë i humbur në përballjen me sulmuesin e "demave të kuq". Në minutat në vazhdim skuadra e Josës përpiqet të marrë kontrollin e topit dhe të gjejë hapësira në gjysmëfushën e Partizanit, por nuk ja del, duke e mbyllur fraksionin e parë në disavantazh 1-0.
Minutat
Mbyllet takimi në "Qemal Stafa" Partizani 1-1 Skënderbeu.
90'+4´ Goditje dënimi për Partiznain, e ekzekuton Gomes, grushton Shehi.
90'+3´ Zëvendësim te Partizani, del Torasa, futet Bardhi.
90´ Osmani ndë shkohet me kartonin e dytë të verdhë, del me të kuq, duke lënë skuadrën me 10 lojtarë.
89´ GOOL! Vangjeli realizon golin e barazimit për Skënderbeun.
84´ Daja tenton nga distanca, por topi përfundon jashtë kuadratit.
82´ Zëvendësim te Partizani. Futet Daja, del Raçiç.
81´ Pasi qetësohet situata, gjyqtari lejon vazhdimin e lojës.
79´ Tension në fushën e lojës, lojtarët përplasen me njëri- tjetrin. Torasa përplaset me Eskerdinjen, Batha me Osmanin, ndëshkohen me të verdhë.
77´ Raçiç merr përsipër të ekzekutojë penalltinë, por nuk ja del përballë Shehit i cili pret me mjeshtëri.
76´ Eskerdinja ndërhyn ndaj Torasës brenda zone, gjyqtari Jorgji akordon 11-metërsh për të kuqtë.
71´ Partizani ka shansin të dyfishojë rezultatin me Raçiç përsëri, i cili rrëmben një top brenda zonëss së Shehit, por gjuajtja ishte e dobët duke e pritur lehtësisht gardiani i korçarëve.
69´ Zëvendësim te Skënderbeu. Del Orelesi, futet Eskerdinja.
66´ Goditje këndi për Partizanin, e ekzekuton Torasa, top i lartë, Raçiç godet me kokë por kontrollon Shehi qetësisht.
63´ Progni tenton nga distanca me të djathten por jashtë kuadratit.
61´ Kore ofenduese nga tifozët e Partizanit, gjyqtari Jorgji i kërkon kapitenit Hoxha të qetësojë Guerrilsat.
60´ Goditje dënimi për Skënderbeun. E ekzekuton Progni, devijon njëri nga lojtarët e Skënderbeut, por pret Hoxha.
59´ Zëvendësim te Skënderbeu, del Latifi, futet Progni.
56´ Vangjeli provon nga e djathta gjuan drejt portës por jashtë kuadratit.
53´ Skënderbeu merr kontrollin e topit, luajnë me topa të gjatë por largojnë vendasit.
48´ Goditje dënimi për Partiznain, e ekzekuton Trashi, largojnë lojtarët e Skënderbebut.
47´ Raçiç niset i vetëm në kundërsulm, pason për Lorenc Trashin, por ky i fundit nuk arrinë të godasë portën e Skënderbeut.
Mbyllet pjesa e parë 1-0 për Partizanin me golin e shënuar nga serbi Raçiç.
Akordohen 3 minuta shtesë
43´ Sulmuesi serb rikthehet në fushë, vazhdon loja normalisht.
40´ Raçiç përplaset me Orelesin në dyluftim në ajër, mbetet i shtrirë në fushë.
39´ Orelesi ndëshkohet me karton të verdhë.
37´ Abazi shkakton faull, ndëshkohet me të verdhë.
35´ Goditje këndi për Skënderbeun. E ekzekuton Latifi, largon Batha.
30´ Korçarët vihen në kërkim të golit të barazimit, tentojnë të gjejnë hapësira për të finalizuar aksionet por nuk ja dalin përballë mbrojtjes vendasve.
26´ Skënderbeu merr kontrollin e topit, provon të gjejë hapësira në gjysmëfushën e vendasve, por mbyllin mirë të kuqtë.
20´ GOOL! Raçiç kalon Partizanin në avantazh. Atë që nuk e bëri në minutën e 19´ sulmuesi serb e bën një minutë më pas. Torasa kroson nga e majta për Raçiç në zonë, i cili gjuan menjëherë përballë portës, ku Shehit i shpëton topi nga dora dhe përfundon në rrjetë.
19´ Goditje këndi për Partizanin, e ekzekuton Torasa, topi përfundon në zonë, Atanda gjuan me kokë, topi përfundon në këmbët e Raçiç i cili godet lehtë por pret Shehi.
17´ Raçiç provon nga distanca por asnjë rrezik për Shehin.
14´ Partizani ka shansin të përfitojë nga një goditje dënimi por vendasit nuk shfrytëzojnë siç duhet.
12´ minuta të luftuara nga të dy skuadrat, kundërsulme të shpejta por që asnjëra nuk arrin të finalizojë.
08´ Xhejms driblon Trashin, niset me shpejtësi drejt zonës, kroson por topi devijohet nga mbrojtja e kuqe.
06´ Skënderbeu merr kontrollin e topit, qarkullon dhe kundërsulmon, por mbyllin vendasit.
03´ Partizani e nis mirë, provon të gjejë hapësira në gjysmëfushën e Skënderbeut, tenton nga një goditje dënimi me Filipe por largojnë korçarët.
Starton ndeshja në "Qemal Stafa"
