Murinjo rrëfen pse refuzoi të punojë në Siri: Nuk ishte rroga
Në këtë seksion: Sporti · 8 artikuj ↓
Zhoze Murinjo ka konfirmuar se nuk do të jetë trajner i Sirisë. Një ditë më parë lajmin e bëri zyrtar përfaqësuesi i Federatës Siriane të Futbollit, i cili tha se Murinjo nuk mund të bëhej trajner i Sirisë për shkak të shumës së lartë që ai kërkonte.
Ndërkaq, mbrëmjen e së premtes mediat ndërkombëtare kanë publikuar reagimin e Murinjos që thotë se arsyeja se përse nuk preferon të bëhet trajner i Sirisë është mungesa e një kampionati të fortë.
"E di që qarkullojnë shumë zëra për mua, por unë kam mësuar të mos lexoj asnjë. Lexoj për Mançester Junajtid, për Realin e Madridit, por nuk dua të them asgjë rreth këtyre zërave. Kam shumë mundësi, po i vlerësoj të gjitha.
Unë trajner i Sirisë? Jo, me gjithë respekt nuk do të shkoj të punoj atje. Dua të punoj në një klub që luan në një kampionat të vështirë, jo me kundërshtarë të lehtë. Nuk ka shumë mundësi për të më kënaqur",-ka thënë Murinjo sipas mediave ndërkombëtare.
