Murinjo: Fajin per kritikat e kam une, pasi ju kam mesuar qe fitoj gjithmone
Në këtë seksion: Sporti · 8 artikuj ↓
Hoze Murinjo, edhe kur gjendet në vështirësi, nuk harron të thumbojë mediat. Duke iu referuar kritikave të fundit, sidomos pas humbjes me Bazel në Ligën e Kampioneve, portugezi ka thënë se përgjegjës për kritikat e shumta është vetë ai. Kjo, pasi sipas Murinjos, ai i ka mësuar gazetarët vetëm me fitore.
“Ky është faji im. Kur fiton një herë në dhjetë vite, njerëzit nuk presin shumë nga ty, por kur fiton në 10 vite një pas një, njerëzit presin shumë. Unë jam fajtor për këtë dhe i pranoj kritikat”, ka thënë me ironi portugezi.
Rikthimi i tij tek Çelsi ka rezultuar jo shumë pozitiv, pasi përveçse nuk ka arritur rezultate pozitive radhazi, edhe loja e londinezëve lë për të dëshiruar.