Lestëri shkëputet me +8 pikë, Arsenali shpreson ende (VIDEO)
Në këtë seksion: Sporti · 8 artikuj ↓
Lestër Siti vijon kryesimin e Premier Ligës angleze edhe pas Javës së 31 të kampionatit. Skuadra e Ranierit fitoi pasditen e së shtunës 0-1 në transfertë ndaj Kristal Palas.
Goli që i dhuroi pikët mjaft të vlefshme skuadrës së Ranierit u realizua nga Mahrez në minutën e 34´ të pjesës së parë.
Me këtë rezultat, Lestëri ndodhet në kuotën e 66 pikëve dhe ruan distancën nga ndjekësit më të afërt (Totenhemi renditet në vendin e dytë me 58 pikë, me një ndeshje më pak).
Në ndeshjet e tjera të Premier Ligës, Arsenali fitoi 0-2 me Evërtonin, duke ruajtur shpresat për titullin me 55 pikë. Ndërsa Çelsi u ndal në fushën e tij 2-2 nga Vest Hem.
